Azərbaycan Prezidentinə yazırlar
- 11-09-2023, 12:09
- Maraqlı
- 0
- 214
Hörmətli cənab Prezident!
Siz bütün sahələrdə, o cümlədən kadr islahatları sahəsində güclü siyasət yürüdürsünüz. Bu siyasət səmərəli və uğurlu nəticələr verir, ümumilikdə ölkəmizin inkişafına mühüm töhfələrlə səciyyələnir.
Sizin rəhbərliyiniz dövründə ölkəmizin hər yerində olduğu kimi, Masallı rayonunda da böyük abadlıq və quruculuq işləri həyata keçirilib. Bu işlər əhalinin mənafeyinə xidmət edir, vətəndaşların istək və arzularını reallığa çevirir.
Bizim yaşadığımız Xırmandalı kəndi rayonun uzaq kəndlərindən biridir. Neçə illər idi kənd sakinləri suvarma suyundan korluq çəkirdi. Bu il çətinliyimiz aradan qaldırıldı və yüksək məhsuldarlıq əldə etdik. Bu da öz növbəsində əhalinin maddi rifah halının yaxşılaşmasına səbəb olub. Biz kənd ağsaqqalları 2023-cü ili kəndimiz üçün “Xeyir-bərəkət ili” adlandırmışıq.
Möhtərəm Prezident, bu işlər Sizin xalqa olan hörmət və qayğınızın nəticəsidir. Odur ki, Xırmandalı kənd ağsaqqalları olaraq Sizə təşəkkür edir və öz minnətdarlığımızı bildiririk.
Hörmətlə,
M.Məmiyev,
O.Kamalov,
A.Cəfərov,
M.Qasımov,
R.Fətullayev və başqaları (19 nəfər).
Azərbaycan Respublikası, Masallı rayonu, Xırmandalı kəndi.
"Yeni həyat" qəzeti,
www.yeniheyet.az
