Azərbaycan Prezidentinə yazırlar

Hörmətli cənab Prezident.

Hər zaman Sizin çıxışlarınızı, xüsusən də beynəlxalq arenalarda söylədiyiniz fikirləri, dünya ictimaiyyətinə vacib çağırışlarınızı və mesajları çox diqqətlə izləyir və bəzən fəxarət, qürur hisslərimi gizlədə bilməyərək sevincimdən kövrəlirəm.

Hörmətli Prezident, mən 17 kitabın, yüzlərlə iri həcmli siyasi, pedaqoji, publisist və ədəbi məqalənin müəllifiyəm. Bu yazılarımda həmişə dövlətçiliyimizə sədaqət, apardığınız daxili və xarici siyasət ruhuna sadiqlik göstərmişəm.

Sizin apardığınız uğurlu siyasəti masallılılar, rayon ictimaiyyəti və ağsaqqalları dərindən başa düşərək ürəkdən dəstəkləyirlər. Rayonumuzun sakinləri Sizi çox sevir, bütün bölgələr kimi bizə göstərdiyiniz diqqət və qayğını yüksək dəyərləndirirlər. Xüsusilə son vaxtlar rayonumuzda aparılan quruculuq işləri yeni ab-hava yaratmışdır. Rayonda elə guşə yoxdur ki, orada yenilik, tikinti-abadlıq işləri aparılmasın. Şəhid ailələrinə, qazilərə və veteranlara isə xüsusi diqqət göstərilir.

Hörmətli Prezidentimiz, Sizin 44 günlük Zəfərimizin qazanılmasında xidmətlərinizi Azərbaycan tarixinin parlaq epopeyası adlandırırıq. İşğaldan azad olunmuş ərazilərimizdə hazırda sürətli bərpa işlərinə hətta düşmənlərimiz belə həsəd aparır.

Bir daha Sizə dərindən təşəkkür edir, cansağlığı arzulayırıq.



Hörmətlə,
Niftiyev Ələşrəf Nuru oğlu,
Masallı Ağsaqqallar Şurasının sədri, 3-cü dərəcəli “Vətənə xidmətə görə” ordenli, yazıçı-publisist, jurnalist.
Azərbaycan Respublikası, Masallı rayonu.шаблоны для dle 11.2