Masallıda abadlıq və xeyriyyə işləri 01-15 oktyabr 2025
- 15-10-2025, 19:09
- Maraqlı
- 0
- 201
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində təmir-bərpa, abadlıq, elektrik, qaz, su xətlərində təmir və yenidənqurma işləri aparılmışdır. Əkin sahələrinin suvarılmasından ötrü su kanallarının təmizlənməsi və bərpası işləri görülmüşdür. Aztəminatlı ailələrə və yardıma ehtiyacı olan şəxslərə maddi yardım göstərilmişdir.
Belə ki, Masallı Su Meliorasiya Sistemlərinin İstismarı İdarəsi tərəfindən Xıl ərazisində 250 metr, Təzəkənd ərazisində 200 metr və Təklə ərazisində 100 metr məsafədə kanal təmizlənmişdir. Qarğalıq-Şəhriyar kəndləri arasında körpü təmir edilmişdir.
Xeyriyyəçilər tərəfindən Bədəlan ərazisin Çayqıraq kəndində 1.2 km məsafədə suötrücü kanal qazılmış və 2 ədəd suötürücü boru yerləşdirilmişdir. Qızılavar ərazisində 400 metr və Hişkədərə ərazisində 380 metr məsafədə suaparıcı kanal təmizlənmişdir. Güllütəpə kəndində suaparıcı kanalın keçidinə 24 metr və Yeyənkənd kəndində 12 metr uzunluğunda boru qoyulmuşdur.
Ərkivan, Yeyənkənd və Köhnə Alvadı ərazilərində elektirik xətlərinə mane yaradan ağaclar budanmışdır.
Təklə, Güllütəpə, Xıl və Çaxırlı ərazilərində dövlət bayraqlar yenisi ilə əvəz olunmuşdur.
Ərkivan qəsəbə ərazi nümayəndəliyinin və bələdiyyənin adını bildirən lövhələr yenisi ilə əvəz edilmişdir.
Ərkivan qəsəbəsində xeyriyyəçilər tərəfindən 20 aztəminatlı ailənin hər birinə 50 manat dəyərində ərzaq yardımı göstərilmiş və Bağlaküçə məscidinin həyətində təmir işləri aparılmışdır. Təzə Alvadı kəndində 25 aztəminatlı ailənin hər birinə 56 manat dəyərində ərzaq yardımı göstərilmişdir. Banbaşı ərazisində 6 aztəminatlı ailənin hər birinə 100 manat olmaqla maddi yardımı göstərilmişdir.
Bədəlan kəndində 15 aztəminatlı ailənin hər birinə 2 kq olmaqla qurban əti paylanılmışdır. Yeyənkənd ərazisində xeyriyyəçilər tərəfindən aztəminatlı ailəyə maddi yardım göstərilmişdir. Təklə ərazisində avtobus dayanacağı təmir olunmuşdur. Hişkədərə ərazisində aztəminatlı ailənin kommunal borcu ödənilmişdir. Qəriblər ərazisində bələdiyyə tərəfindən Mərasim evinin ətrafına torpaq tökülərək yayılmışdır. Yeddioymaq ərazisində mərkəzi yola 2 ədəd zibil qutusu qoyulmuşdur. Qızılavar ərazisində məscidin həyətində təmir işlərinə başlanılmışdır.
