Masallıda abadlıq və xeyriyyə işləri 15-30 sentyabr 2025
- 30-09-2025, 19:13
- Maraqlı
- 0
- 142
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində təmir-bərpa, abadlıq, elektrik, qaz, su xətlərində təmir və yenidənqurma işləri aparılmışdır. Əkin sahələrinin suvarılmasından ötrü su kanallarının təmizlənməsi və bərpası işləri görülmüşdür. Aztəminatlı ailələrə və yardıma ehtiyacı olan şəxslərə maddi yardım göstərilmişdir.
Belə ki, Masallı Su Meliorasiya Sistemlərinin İstismarı İdarəsi tərəfindən Hişkədərə ərazisində 700 metr, Xıl ərazisində 150 metr və Çaxırlı ərazisində 150 metr məsafədə suaparıcı kanal təmizlənmişdir. Bələdiyyə və xeyriyyəçilər tərəfindən Yeyənkənd ərazisində 700 metr məsafədə suaparıcı kanal təmizlənmiş və suaparıcı kanalın keçidlərinə 8 ədəd boru qoyulmuşdur. Güllütəpə ərazisində 60 metr məsafədə kanal təmizlənmiş və 160 metr məsafədə suaparıcı kanal qazılmışdır. Təklə ərazisində su quyusu qazılmışdır. Türkoba ərazisinin Şatıroba kəndində suaparıcı kanalın ətrafı mişar daşı ilə hörülmüşdür.
Masallı rayon Elektrik şəbəkəsi tərəfindən Hişkədərə ərazisinin Mişkəmi kəndində 2 ədəd elektrik dirəyi yenisi ilə əvəz olunmuşdur. Sərçuvar ərazisinin Sirəbil kəndində elektrik dirəyinin yeri dəyişdirilmişdir.
Banbaşı, Güllütəpə, Təklə, Bədəlan, Təzə Alvadı, Böyük Kolatan və Lürən ərazilərində dövlət bayraqlar yenisi ilə əvəz olunmuşdur.
Ərkivan ərazisində yeni işıqfor quraşdırılmış, Qodman ərazisinin Əzizabad kəndinin giriş lövhəsi yenisi ilə əvəz olunmuş, Hişkədərə ərazisində onkoloji xəstəlikdən əziyyət çəkən vətəndaşa maddi yardım göstərilmiş, Bədəlan ərazisində Vətən müharibəsi iştirakçısına ərzaq yardımı göstərilmiş, Ərkivan qəsəbəsinin Miyondi məhəlləsində mərasim evinin daxilində təmir işlərinə başlanılmışdır.
