Masallıda abadlıq və xeyriyyə işləri – aprel 2025
- Dünən, 17:36
- Maraqlı
- 0
- 54
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində aparılan təmir-bərpa işləri, əkin sahələrinin suvarılması və sel təhlükəsinin qarşısının alınması məqsədilə su kanallarının təmizlənməsi və bərpası işləri görülmüşdür. Enerji infrastrukturunun yaxşılaşdırılması istiqamətində elektrik xətlərində təmir və yenidənqurma işləri həyata keçirilmiş, köhnə elektrik dirəkləri yenisi ilə əvəz olunmuş, transformatorlar təmir edilmişdir. Bu addımlar nəticəsində elektrik təchizatında olan nasazlıqlar aradan qaldırılmışdır.
Əhalinin sosial müdafiəsinin gücləndirilməsi məqsədilə aztəminatlı ailələrə və yardıma ehtiyacı olan şəxslərə maddi yardım göstərilmişdir.
Belə ki, Masallı Su Meliorasiya Sistemlərinin İstismarı İdarəsi tərəfindən Qızılağac, Xıl, Təzəkənd, Sərçuvar kəndlərində suaparıcı kanallar təmizlənilmiş və Viləşçayın Qızılağac kəndi ərazisindən keçən hissəsində bənd vurulmuşdur. Sərçuvar ərazisində yeni körpünün ətrafında su keçidinin genişləndirilməsi işləri aparılmışdır. Viləş-Yeddioymaq kəndlərinin sərhədində qəzalı vəziyyətdə olan kanal təmizlənmişdir. Yeyənkənd ərazisində suaparıcı kanal təmizlənmiş və Köhnə Alvadı ərazisində kanallar təmizlənərək genişləndirilmişdir.
Türkoba, Köhnə Alvadı, Təklə, Göyəçöl, Şərəfə və Çaxırlı ərazilərində köhnəlmiş bayraqlar yenisi ilə əvəz olunmuşdur. Musakücə, Köhnə Alvadı, Təzə Alvadı, Sərçuvar, Böyük Kolatan və Xıl ərazilərində mərkəzi yolun kənarlarında olan reklam, tanıtım lövhələri, fasadlar bərpa edilmişdir. Böyük Kolatan ərazisinin giriş lövhəsi dəyişdirilərək yenisi ilə əvəz olunmuşdur. 47 saylı Yol İstismarı MMC tərəfindən Köhnə Alvadı ərazisində mərkəzi yolda olan körpü rənglənmişdir. Musakücə və Göyəçöl ərazilərində nümayəndəlik tərəfindən dayancaqlar rənglənmişdir. Təzə Alvadı, Köhnə Alvadı, Qəriblər və Banbaşı ərazilərində 1941-1945 abidəsi təmir edilmişdir.
Masallı Elektrik Şəbəkəsi tərəfindən Hişkədərə, Sərçuvar və Xıl ərazilərində köhnə elektrik dirəyi yenisi ilə əvəz edilmişdir.
Göyəçöl ərazi nümayəndəliyinin təşəbbüsü ilə küçə işıqlarının lampaları və kabelləri dəyişdirilmişdir. Yeyənkənd ərazisinin Abasbəyli kəndində xeyriyyəçilər tərəfindən 500 metr kənddaxili yola gecə işıqlandırılması sistemi quraşdırılmış və Yeyənkənd ərazisində elektrik naqillərinin taramlaşdırılması işləri aparılmışdır.
Hişkədərə ərazisində xeyriyyəçilər tərəfindən parkinson xəstəliyindən əziyyət çəkən kənd sakininə 3015 manat yardım olunmuşdur. Bədəlan ərazisində xeyriyyəçi tərəfindən 50 aztəminatlı ailənin hər birinə 2 kq olmaqla ümumilikdə 100 kq ət ehsan edilmişdir (1500 manat). Təzə Alvadı ərazisində Xeyriyyə Cəmiyyəti tərəfindən 31 aztəminatlı ailəyə ərzaq yardımı olunmuşdur
Bu kimi tədbirlər Masallı rayon İcra Hakimiyyətinin əhalinin rifahı naminə apardığı siyasətin bir göstəricisidir və gələcəkdə bu işlərin daha geniş miqyasda davam etdirilməsi nəzərdə tutulur.
