Masallının yollarında təmir işləri davam etdirilir
- 30-04-2025, 17:34
- Maraqlı
- 0
- 293
Masallı rayonunda əhalinin rahat və təhlükəsiz hərəkətini təmin etmək məqsədilə bir sıra küçə və kənd daxili yollarda infrastrukturun yenilənməsi istiqamətində təmir-bərpa işləri aparılmışdır.
Belə ki, 47 saylı Yol İstismarı MMC tərəfindən Lürən ərazisində 1,5 km məsafədə mərkəzi yola asfalt örtüyü döşənmiş, Lürən-Musakücə yolu və Binə Xocavar-Çaxırlı yolu cari təmir olunmuşdur. Musakücə ərazisində xeyriyyəçilər tərəfindən 250 metr kənd daxili yola qreyder verilmişdir. Şıxlar kəndində Yeddioymaq bələdiyyəsi və xeyriyyəçilər tərəfindən 1 şadman çınqıl tökülərək hamarlanmışdır. Boradigah ərazisində bələdiyyə sarayına gedən yola 1 maşın çınqıl tökülərək texnika vasitəsi ilə hamarlanmışdır.
Köhnə Alvadı kəndində ərazi nümayəndəliyi və bələdiyyənin təşəbbüsü, xeyriyyəçilərin maddi dəstəyi ilə məscid yoluna 1 maşın çınqıl tökülərək hamarlanmışdır. Yeyənkənd ərazisində kənd sakinləri tərəfindən qəbiristanlığına gedən 400 metr yol qreyderlə hamarlanmışdır. Köhnə Alvadı ərazisində paybəlli torpaq sahələrinə gedən yol xeyriyyəçilər tərəfindən təmir olunmuşdur. Qızılavar ərazisində xeyriyyəçiləri tərəfindən qəbiristanlığa gedən yol təmir olunmuşdur.
Bədəlan ərazisinin Çayqıraq kəndində xeyriyyəçilər tərəfindən körpüyə gedən 100 metr yola 3 kamaz çınqıl tökülərək hamarlanmış və ərazi nümayəndəliyi tərəfindən Bədəlan kənd tam orta məktəbinə gedən yol təmir olunmuşdur.
Eyni zamanda Yol hərəkətinin təhlükəsizliyini təmin etmək məqsədliə rayonun Təzə Alvadı və Türkoba ərazilərində işıqforlar, yol nişanları və nişanlanma xətləri çəkilmişdir. Həmçinin Ərkivan qəsəbəsində işıqforun quraşdırılması ilə əlaqədar qanunamüvafiq tədbirlərin görülməsinə başlanılmışdır
