Masallıda abadlıq və xeyriyyə işləri 01-15 iyul 2025
- 15-07-2025, 16:12
- Maraqlı
- 0
- 186
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində təmir-bərpa, abadlıq, elektrik, qaz, su xətlərində təmir və yenidənqurma işləri aparılmışdır. Əkin sahələrinin suvarılmasından ötrü su kanallarının təmizlənməsi və bərpası işləri görülmüşdür. Aztəminatlı ailələrə və yardıma ehtiyacı olan şəxslərə maddi yardım göstərilmişdir.
Belə ki, Masallı Su Melorasiya Sistemlərinin İstismarı İdarəsi tərəfindən Xırmandalı ərazisində iki ədəd su quyu qazılmışdır. Təzə Alvadı kəndində əsas yolunun kənarında yerləşən 10 metr uzunluğunda suaparıcı kanal təmizlənmiş və suötrücü boru atılmışdır. Türkoba ərazisinin Şatıroba kəndində suaparıcı kanalda boru yenisi ilə əvəz olunmuşdur. Sığdaş ərazi nümayəndəliyin həyətində artezian quyusunun qazılmışdır.
Masallı Elektrik Şəbəkəsi tərəfindən Hişkədərə ərazisində elektrik xətlərinə maneə yaradan ağaclar budanmışdır. Türkoba ərazisinin Şatıroba kəndində qəzalı vəziyyətdə olan transformatorun yeri dəyişdirilərək təmir edilmişdir.
Banbaşı ərazisinin Böyük Xocavar kəndində uzunluğu 1 km olan küçədə və Təzə Alvadı kəndində uzunluğu 300 metr olan kənddaxili küçədə işıqlandırılma sistemi quraşdırılmışdır.
Təklə, Qızılağac, Sığdaş və Köhnə Alvadı ərazilərində bayraqlar yenisi ilə əvəz olunmuşdur. Qızılağac ərazisində şəhidlərin şəkili olan lövhə yenisi ilə əvəzlənmişdir.
Yeyənkənd ərazisinin Xəlfələr kəndində xeyriyyəçilər tərəfindən aztəminatlı ailənin övladının əməliyyatı üçün 13000 manat maddi yardım göstərilmişdir. Xeyriyyəçilər tərəfindən Bədəlan, Qəriblər, Mahmudavar, Təzə Alvadı, Hişkədərə və Musakücə ərazilərində aztəminatlı ailələrə ərzaq yardımı olunmuşdur. Hişkədərə ərazisində üç aztəminatlı ailənin və Yeyənkənd ərazisində bir aztəminatlı ailənin kommunal borcu ödənilmişdir. Xıl kəndində "Seyidlər" qəbiristanlığının 240 metrlik kənar hasarı yenidən qurulmuşdur. Yeyənkənd ərazisinin Xəlfələr və Abasbəyli kəndlərində təbii qazla təmin olunmayan 23 fərdi yaşayış evi üçün 2805 metr polietilen boru alınmışdır.
Bu kimi tədbirlər Masallı rayon İcra Hakimiyyətinin əhalinin rifahı naminə apardığı siyasətin bir göstəricisidir və gələcəkdə bu işlərin daha geniş miqyasda davam etdirilməsi nəzərdə tutulur.
