Masallının yollarında təmir işləri davam etdirilir 01-15 iyul 2025
- 15-07-2025, 16:09
- Maraqlı
- 0
- 116
Masallı rayonunda əhalinin rahat və təhlükəsiz hərəkətini təmin etmək məqsədilə bir sıra küçə və kənddaxili yollarda infrastrukturun yenilənməsi istiqamətində təmir-bərpa işləri aparılmışdır.
Belə ki, 47 saylı Yol İstismarı MMC tərəfindən xeyriyyəçilərin maddi dəstəyi ilə Mahmudavar kəndində uzunluğu 400 metr olan “Xocalıda” məhəlləsinə, Miyanku kəndində uzunluğu 460 metr olan şəhid Elvin Mirzəyev adına küçəyə, Təklə ərazisinin Sığıncaq kəndində şəhid Mehti Abbasov adına tikilmiş bulaq-kompleksinin qarşısına 90 kvadrat metr sahəyə asfalt örtüyü döşənmişdir. Təzə Alvadı ərazisində Ələt-Astara avtomobil yolunun kənarında yerləşən obyektin qarşısına 225 kvadrat metr sahəyə asfalt örtüyü döşənmiş, Ələt-Astara avtomobil yolunun üzəridə yerləşən körpü rənglənmişdir. Xırmandalı ərazisində 300 metr kənddaxili yola çınqıl tökülərək hamarlanmışdır. Təzə Alvadı və Təklə ərazisində 1.3 km kənddaxili küçə qreyderlə hamarlanmışdır.
