Ölkəmizdə cari 2023 -ilin altı ayının yekunu

Hər ölkənin iqtisadi yüksəlişi onu sevən və onu öz canından daha üstün tutan liderin hakimiyyəti dövründə olur. Azərbaycan Respublikasına belə lider bir yox iki dəfə qismət olub. Məhz belə liderlərimizin olmasının nəticəsidir ki, artıq 2023 cü ildə Azərbaycan inkişaf etmiş ölkə statusuna yiyələnməkdədir. Dövlətimizin qurulmasından bu yana sosial-iqtisadi inkişafı artıq bu il ötən illərə nisbətdə ən maksimum səviyyədədir. Azərbaycanın Neft və qeyri-neft sektorları mütləq inkişafını biruzə verir və dövlət quruculuğuna müsbət təsir göstərir. Qeyri-neft sektorumuz və qeyri-neft sektorunun sənaye sahəsi kifayət qədər artmışdır.

Qeyri-neft sənayemiz 6,5 faiz və qeyri-neft sektoru, ümumiyyətlə, 3 faizdən çox artmışdır. Bununla bərabər, ölkəmizin maliyyə vəziyyəti böyük dərəcədə yaxşılaşıb, bunun bir çox səbəbləri var. İlk növbədə, maliyyə sektorundakı nizam-intizamın möhkəmləndirilməsi, vergi və gömrük orqanlarında islahatların davam etdirilməsi, şəffaflığın təmin edilməsi - bütün bu amillər imkan verdi ki, ilin ortasında büdcəyə yenidən baxılsın və dürüstləşmə aparılsın. Onsuz da bizim builki dövlət büdcəmiz rekord həddə çatmışdır, bu gün bizim büdcəmiz 36 milyard manatdan çoxdur. Qalib dövlət olaraq bu il ölkəmizin əsas vəzifəsi hərbi potensialımızın güclənməsinə və Qarabağın, Şərqi Zəngəzurun bərpa edilməsinə diqqət yetirməkdir. Və ölkəmiz bunu lazımi qaydada yerinə yetirir. Dürüstləşmə zamanı  əldə olunan 3 milyard manatdan 1,8 milyard manat Qarabağın və Şərqi Zəngəzurun bərpa edilməsinə, 1,1 milyard manat isə hərbi potensialımızın güclənməsinə yönəldilmişdir. Yəni, ayrılmış məbləğin mütləq əksəriyyəti bu iki istiqamətə yönəldilmişdir və bu da təbiidir. Çünki bu gün ölkə qarşısında duran iki əsas vəzifə məhz bu vəzifələrdir.
           
 Bu işlərlə yanaşı cari 2023-cü ildə bir neçə il bundan öncə Prezident İlham Əliyev tərəfindən planlanan dövlət büdcəsi və xarici borclar artıq istənilən formanı almışdır. Ölkə baçısının bir neçə il öncə verdiyi təlimata əsasən hal hazırda dövlətimizin xarici dövlət borcu ümumi daxili məhsulun 10 faizinin altındadır.
             
Prezident İlham Əliyev - Mütləq rəqəmlərdə bizim borcumuz cəmi 6,7 milyard dollardır və bu da ümumi daxili məhsulumuzun təxminən 10 faizini təşkil edir. Əlbəttə ki, ümumi daxili məhsulumuzun son rəqəmləri ilin sonunda hesablanacaq. Ancaq indi də proqnoz vermək mümkündür. Birinci altı ayda ümumi daxili məhsul 60 milyard manatdan çox təşkil etmişdir.
           
Bu ilki inkişafın təkcə hərb və yenidənqurma işləri üzərində olmadığının əyani sübutu nəqliyyat sahəsində görülən işlərdir. Həm Şimaldan Cənuba və əks istiqamətdə, həm də Şərqdən Qərbə və əks istiqamətdə yükdaşımaların artması göz önündədir. Burada da Azərbaycan çox etibarlı tərəfdaş kimi çıxış edir və öz qonşuları ilə sıx təmasdadır. İlk növbədə, Qara dənizdə alınan hərəsi 115 min tonluq üç böyük tanker. Artıq Azərbaycanın “Aframax” tipli ən böyük tankerlərə Qara dənizə çıxışını təmin edir ki, bu da ölkə tarixində bir ilkdir.
           
Məhz belə inkişaf yolunu izləməklə Azərbaycanın hərtərəfli inkişafı gözlə görüləcək dərəcədə yaxşıya gedir. Bir neçə il sonra artıq Azərbaycanın adı, tamamilə müasir və çox güclü iqtisadiyyata malik olan, lider ölkələrlə eyni müstəvidə çəkiləcəkdir.


Çingiz  Qurbanov,          
Masallı  Tarix- Diyarşünaslıq  Muzeyinin  Əməkdaşı  шаблоны для dle 11.2