Qüdrətli Azərbaycan Ordusu erməni teror dəstələrini ağ bayraq qaldırıb təslim olmağa məcbur etdi
- 20-09-2023, 10:45
- Maraqlı
- 0
- 520
Bildiyimiz kimi, sentybarın 19-da Ermənistan silahlı qüvvələrinin Azərbaycanın Qarabağ bölgəsindəki birləşmələrinin kəşfiyyat-diversiya qrupları tərəfindən Əhmədbəyli-Füzuli-Şuşa avtomobil yolunda terror məqsədilə əvvəlcədən quraşdırılmış minanın partlaması nəticəsində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxmış və mülki şəxslər həlak olmuşdur. Son aylarda Erməni silahlı birləşmələri Azərbaycan silahlı Qüvvələrinin mövqelərini müxtəlif çaplı silahlardan atəşə tuturdu və təxribat xarakterli addımlar atırdı.
Döyüş mövqelərinin şəxsi heyət, zirehli texnika, artilleriya qurğuları və digər atəş vasitələri ilə gücləndirilməsi, bölmələrin yüksək döyüşə hazır olma səviyyəsinə gətirilməsi, səfərbərlik üzrə əlavə bölmələrin yaradılması, Azərbaycan Ordusunun bölmələrinə qarşı kəşfiyyat fəaliyyətlərinin genişləndirilməsi, mövqelərimizin dərinliyinə sızaraq minalardan təmizlənmiş ərazilərin və mülki təyinatlı yolların terror-təxribat məqsədilə yenidən minalanması kimi əməllər tərəfimizdən aparılan müşahidələrlə təsbit edilib.
19 sentyabrda Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyat-diversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olmuş və yaralanmışdır. Bu kimi faktlar Ermənistanın Azərbaycana qarşı apardığı məqsədyönlü və planlı terror siyasətinin davamıdır.Ermənistan tərəfi 10 noyabır 2020-ci il tarixində bağlanmış müqavilənin şərtlərini kobud şəkildə pozaraq münaqişə yaratmışdır, Azərbaycanın Qarabağ bölgəsindəki Ermənistan silahlı qüvvələrinin birləşmələrinin mövcudluğunu davam etdirməsi regional sülh və sabitlik üçün ciddi təhlükə mənbəyidir.
Bütün bunları nəzərə alaraq üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanıldı.23 saat 43 dəqiqə ərzində qüdrətli Azərbaycan ordusu erməni teror dəstələrini ağ bayraq qaldırıb təslim olmağa məcbur etdilər.Ötən gün Azərbaycan çərşənbə axşamı başladığı "antiterror əməliyyatlarını" dayandırdığını və sentyabrın 21-də Qarabağın erməni sakinlərinin nümayəndələri ilə Yevlaxda görüş keçirəcəyini açıqlayıb. 20 sentyabr Azərbaycan Respublikasının prezidenti cənab İlham Əliyev xalqa müraciət etdi və o dəmir yumruğun hər zaman yerində olduğunu qeyd etdi.
Qarabağ Azərbaycandır!
Həbibli Nəzrin,
Masallı rayonu Əli İbadov adına Tüklə kənd tam orta məktəbinin Uşaq Birliyi Rəhbəri
"Yeni həyat" qəzeti,
www.yeniheyet.az
