Qardaş ölkənin rəhbəri Naxçıvanda
28-09-2023, 16:06. Разместил: admin44
Naxçıvan Azərbaycanın qədim torpağıdır və onun ayrılmaz hissəsidir. Bu ilin sentyabrın 25-də Azərbaycan prezidenti İlham Əliyevin dəvəti ilə Türkiyə prezidenti Recep Tayyip Erdoğan Naxçıvana səfərə gəlib.Naxçıvanda bir günlük işgüzar səfərdə olan prezident Erdoğan Azərbaycan prezidenti İlham Əliyevlə görüş keçirib. Prezidentlərin görüşü Naxçıvan Muxtar Respublikasının Ali Məclisində "təkbətək" formatda keçirilib. Prezident Erdoğan və prezidentimiz "Azərbaycan Respublikası ilə Türkiyə Respublikası arasında Qars-Naxçıvan dəmir yolu layihəsinə dair Niyyət Protokolu"nu imzalayıblar.
"Qars-Naxçıvan dəmir yolunun tikintisi haqqında Niyyət Protokolunun imzalanması da tarixi hadisədir. Əminəm ki, bu layihə də uğurla həyata keçiriləcək və beləliklə, həm Azərbaycana, Türkiyəyə, həm də Orta Dəhlizin şaxələnməsi olaraq digər ölkələrə xidmət edəcək", deyə Erdoğan bildirib.
"Azərbaycan Respublikasında və Türkiyə Respublikasında bərpa olunan enerji mənbələrindən istehsal olunan elektrik enerjisinin ötürülməsi sahəsində Azərbaycan Respublikası və Türkiyə Respublikası arasında əməkdaşlığa dair Anlaşma Memorandumu"nu imzalayıblar.Prezidentlərin iştirakı ilə Iğdır-Naxçıvan qaz boru kəmərinin təməlqoyma mərasimi keçirilib.
İğdır-Naxçıvan qaz kəməri Naxçıvanın qaz təchizatının şaxələndirilməsinə imkan verməklə onun bir mənbədən asılılığını aradan qaldırmış olacaq.
Ətraf mühit, şəhərsalma və iqlim dəyişikliyi naziri Mehmet Özhaseki və Azərbaycanın Dövlət Şəhərsalma və Arxitektura Komitəsinin sədri Anar Quliyev Azərbaycan Respublikası Hökuməti ilə Türkiyə Respublikası Hökuməti arasında Türkiyə Respublikasının Kahramanmaraş vilayətində yaşayış binaları, ibtidai məktəb, uşaq bağçası və mədəniyyət mərkəzinin tikilməsi haqqında Əməkdaşlıq Sazişi”ni imzalayıblar.
“Azərbaycan Respublikasında və Türkiyə Respublikasında bərpa olunan enerji mənbələrindən istehsal olunan elektrik enerjisinin ötürülməsi sahəsində Azərbaycan Respublikasının Energetika Nazirliyi və Türkiyə Respublikasının Energetika və Təbii Sərvətlər Nazirliyi arasında əməkdaşlığa dair Anlaşma Memorandumu”nu Azərbaycanın energetika naziri Pərviz Şahbazov və Türkiyənin energetika və təbii sərvətlər naziri Alparslan Bayraktar imzalayıblar.Bundan əlavə prezidentlər Naxçıvanın bərpa-istehsalat hərbi kompleksinin açılışında iştirak ediblər.
Sonda Azərbaycan-Türkiyə sənədlərinin imzalanması mərasimindən sonra Prezidentimiz və Türkiyə Respublikasının Prezidenti Rəcəb Tayyib Ərdoğan mətbuata bəyanatlarla çıxış ediblər.Naxçıvan Azərbaycanın qədim diyarıdır. Əfsuslar olsun ki, 1920-ci ildə sovet hakimiyyəti tərəfindən Qərbi Zəngəzur Azərbaycandan ayrılmışdır və beləliklə, Azərbaycanın əsas hissəsi ilə Naxçıvan arasında coğrafi bağlantı kəsilmişdir. Ermənistan Azərbaycana qarşı işğalçılıq siyasətini aparmağa başlayanda Naxçıvana qarşı da onların ərazi iddiaları var idi. Burada da şiddətli döyüşlər gedirdi və məhz o vaxt Azərbaycanın böyük oğlu Heydər Əliyevin rəhbərliyi ilə, - o zaman o, Naxçıvanın başçısı idi, - Naxçıvan düşməni yerinə oturtdu və öz ərazisini qoruya bildi, deyə cənab İlham Əliyev bildirib.
Prezident Recep Tayyip Erdoğan isə vurğulayıb ki, seçkilərindən sonra ilk səfərimi iyun ayında Şimali Kipr Türk Respublikası ilə birlikdə Bakıya etmişdim. Bu dəfə sizinlə Türkiyəni Türk dünyası ilə birləşdirən Naxçıvanda birlikdə olmaqdan böyük məmnunluq duyuram. 2008-ci ildəki son səfərimdən etibarən Naxçıvanın əldə etdiyi inkişafı qürurla müşahidə etdim. Naxçıvanın bugünkü səviyyəyə çatmasında böyük payı olan Azərbaycanın Ümummilli Lideri Heydər Əliyevi anadan olmasının 100-cü ildönümündə bir daha ehtiramla yad edirəm.
Əsəd Əsədli,
Masallı Dövlət Regional Kollecin müəllimi
Вернуться назад