Fəxr edilməyə layiq insan

   Biz bir neçə veteran, Əli Mahmud oğlu Əlişovla yaxın vaxtlarda tanış olmuşuq və buna görə çox şadıq.

   Əli müəllim qeyri-adi istedada malik möcüzəli bir şəxsiyyətdir. Onun söhbətlərini dinlədikdə adamın ruhu dincəlir, həyata, yaşamağa inamı və meyli artır.Onunla söhbət edərkən, həmsöhbətinin ona sual vermək istədiklərini sanki duyur, onun ürəyini oxuyur. Verdiyi cavablar aydın, ətraflı və hər kəsin dərk edə biləcəyi tərzdə olur. Yazdıqları da belədir.

  O, yazıçı deyil, lakin “İnsan və İnsanlıq” olaylardan ibrət götürüb bir neçə dini mövzuda yazdığı əsərləri vardır.

  İnsan onun əsərlərini oxuyarkən sanki həyatda düşündüklərini , axtardıqlarını tapır.

 Bu əsərləri sadəcə oxumaq yox, qəlbə köçürmək lazımdır. Hər sözdə, hər cümlədə hikmət var , nəsihət var.

  Əli müəllim ailə-məişət məsələlərində də öz tövsiyə və öyüdlərini əsirgəmir. Həyat təcrübələrinə əsaslanaraq yaşamaq, yaşatmaq, xoşbəxtliyə çatmaq qaydalarına riayət etmək, hər məqamda səbirli olmaq və digər insani keyfiyyətlərə çağırır.

  Dəlillərlə sübut edir ki, göstərilən məziyyətlərə çatmaq üçün hamı, xüsusən gənclər elmə yiyələnməli, ağıllı, düşüncəli , intelektual səviyyəli olmalıdır. Məhz belə olduqda insan həyatda çətinlik çəkmədən dinc-asudə yaşaya bilər.

 Əli müəllim bütün dinlərin , gətiricilərinin və səmavi kitabların tarixini , mahiyyətini mükəmməl bilir. “Qurani-Kərim” onun danışıq mövzusudur.O, Allaha bağlı, dözümlü və səbirli insandır. Bir sözlə: İman , insaf və inam əhlidir və bu yolda hər kəsə nümunədir.

 Belə şəxsiyyətlərlə fəxr edilməlidir. Biz, bir neçə dost veteran doğum günü münasibətilə onu və Köhnə Alvadi kəndı Əlini təbrik edirik. Əli müəllimi sevin və qoruyun! Əli müəllimə can sağlığı və səmərəli ömür arzulayırıq.

 

                       Əli müəllimə dostlarının arzusu

Apreldə - Baharda gəldin dünyaya,

Güllər pöhrələndi, çiçəklər açdı.

Nəğmələr, mahnılar döndü nəğməyə,

Bir körpə aləmə o gün göz açdı.

 

İllər gəlib keçdi, çatdın bu yaşa,

Qəlbində həmişə Tanrının səsi,

Gördüklərini sən yaza-yaza,

Yayıldı hər yana qəlbinin səsi.

 

Gün o gün olsun, ay, Əli müəllim!

Yüz bahar görəsən, yüz yaz görəsən,

Elə gəlib keçsin sənin günlərin,

Həmişə ibadət –tanrı görəsən.

Yanında hər zaman dostlar görəsən.