Redaksiyamıza yazırlar
- 12-09-2023, 14:56
- Maraqlı
- 0
- 197
![](/uploads/posts/2023-09/medium/1694519759_sddefault-2.jpg)
Cənnət diyarı, “Baba bulağı”
Biz istirahət ocağının həyətinə daxil olanda, ötən gəlişimizdən sonra Əfqan Babayevin burada yeniliklər yaratdığının şahidi olduq. Yenə də nə isə növbəti yeniliyi yaratmaq ustədiyini hiss etdik. Hə, tanıdıq, yenə sadə geyimdə, “futbolka” köynəkdə bir qrup adamla girəcəkdə bir traktorun ətrafına yığışıb nəisə müzakirə edirdilər.
Maşından düşüb babamla həmişə əyləşdiyimiz köşkə yaxınlaşdıq. Bura məni yaxın keçmişə, babalı dünyama apardı. Darıxdım babam üçün, kövrəldim. Durub gəzmək istədim. Həqiqətən Əfqan müəllim son bir-iki ildə nələr yaratmışdı burada. Ən çox xoşuma gələn uşaqlar üçün üstü örtülü əyləcə sahəsi idi. Bu örtük doğurdan da isti yay günündə balacaların əylənməsi üçün gözəl şərait yaradırdı. Bir az içəriyə doğru getdik. Hə, traktorun işi burada imiş, deyə düşündüm. Turistlərin yürüş etməsi, piyada gəzintisi üçün geniş yol salınır, yeni, ürəkaçan mənzərə yaradılır burada. Xeyirli, uğurlu olsun, Əfqan müəllim.
Ümumiyyətlə, bu cənnət diyarını görmədən nə qədər danışsam da bu gözəlliyi vəsf edə bilmərəm. Buranın təkcə dadlı yeməkləri üçün sevinmirəm. Bu könülaçan mənzərəni seyr efmək, insan əlinin möcüzələrini görmək kifayətdir. Bu görüntülər insan ruhunu elə qidalandırır ki, yeməyə ehtiyac duymursan. Axı, deyirlər cənnətdə hər şey var, ancaq yemək istəmirsən. Bax, bura elə həmin cənnətdir.
Gəlin gözlərinizlə görün, qəlbinizlə duyun, bütün dərdlərin unudulduğu yer, xatirələrin oyandığı məkandır bura. Burada televiziya kanallarındakı kimi zövqünüzü korlayan müğənnilər deyil, bülbüllər oxuyur, ağacların dibi ilə aftoş sürücülərdən fərqi olaraq qarışqalar ədəb-ərkanla, bir-birinin ardınca sıralanıb gedir.
Yox bu mövzuda problemdən danışmaq olmaz. Danışsaq nə faydası?
İstərdim ki, siz də mənim kimi yaxın dost-tanışlarınızla, ailə üzvlərinizlə, ildə bir dəfə, ömründə bir dəfə bu ünvana gəlib bu əsrarəngiz mənzərələri seyr edəsiniz. Ünvan da məlumdur: Masallı rayonu, Mahmudavar kəndi, “Baba bulağı” ailəvi istirahət mərkəzi.
Tələbə dostlarımla görüntülü danışdım. Yanımda olmaq istədiklərini dedilər. Söz verdik ki, İnşallah növbəti yay tətilində bir neçə günlük bu gözəlliklər diyaıında olub, saf sulu gölündən, tovuz quşunun cilvəsindən, əsrarəngiz yaşıllıqlardan zövq alarıq.
Sonda bu dünyada cənnət yaradanlara, Əfqam müəllimə çox sağ olun deyirəm. Və tövsiyə edirəm ki, bu kəlamı unutmayaq “Sağlığında qiymət verin insanlara”.
Hamıya gözəl istirahət diləyilə Azərbaycan İqtisad Universitetinin ingilis dili fakültəsinin IV kurs tələbəsi:
![](/uploads/posts/2023-09/medium/1694519724_19467844_758758714249333_766704579453788938_o-1.jpg)
Surac SURXAYOĞLU,
ştatdankənar müxbirimiz.
"Yeni həyat" qəzeti,
www.yeniheyet.az