Masallının Kürdəbazlı kəndində rayon rəhbərinin 04 mart 2025-ci il tarixdə səyyar görüş-qəbulu
04 mart 2025-ci il tarixdə rayonun Qarğalıq ərazisinin Kürdəbazlı kəndində Masallı Rayon İcra Hakimiyyətinin Başçısı Araz Əhmədov ərazinin sakinləri ilə növbəti səyyar görüş-qəbulunu keçirmişdir.
Masallı Rayon İcra Hakimiyyətinin Başçısı Araz Əhmədov səyyar görüş-qəbulunu açıq elan edərək qəbula gələn vətəndaşları salamlamış, ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.
Sonra rayon rəhbəri sözü Masallı rayon İcra Hakimiyyəti Başçısı aparatının Sənədlərlə və vətəndaşların müraciətləri ilə iş şöbəsinin məsləhətçisi Famil Cəfərova verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.
Aparatın məsləhətçisi Famil Cəfərov ötən səyyar-görüş qəbulu barədə çıxış edərək bildirmişdir ki, ərazidə ötən qəbul zamanı 6 nəfər vətəndaş tərəfindən 9 məsələ qaldırılmış, müraciətlərin 5-i müsbət həll olunmuş, 3 müraciətə qanunamüvafiq izahat verilmiş və 1 müraciətin Dövlət Proqramında nəzərdə tutulduğunu bildirmişdir.
Sonra şöbənin məsələhətçisi ərazidə görülmüş işlər barədə məlumat verərək qeyd etmişdir ki, Şəhid ailələri, aztəminatlı ailələr və kimsəsizlərə məişət, eləcədə işıq, qaz problemlərinin həlli ilə bağlı yardımlar göstərilmiş, ərazidə 1 ədəd transformator, 43 ədəd elektrik dirəyi, 1,3 km məsafədə elektrik xətti yenisi ilə əvəz olunmuş, Şəhid Ədalət Vəliyev küçəsinə 420 metr məsafədə asfalt örtüyü döşənmiş, 5,5 km məsafədə kənddaxili yola çınqıl tökülmüş, 4,2 km məsafədə kənddaxili yol qreyderlə hamarlanmışdır. Qarğalıq ərazisində GPON lahiyəsi üzrə “AzTelekom” İB və “CityNet” MMC şirkətləri tərəfindən yeni internet xətləri çəkilərək abonentlərin istifadəsinə verilmiş, ərazi üzrə ümumilikdə 2,4 km məsafədə suaparıcı kanal təmizlənmişdir.
Daha sonra şöbənin Qarğalıq kənd tam orta məktəbinin elektrik xəttləri və pəncərələri yenilənmiş, ərazidə ümumilikdə 550 ədəd şam ağacı əkilmiş, Xallıcalı kəndində mərasim evi tikilmiş və daxilində təmir işlərinin davam etdirilməsi barədə məlumatları görüş iştirakçılarının nəzərinə çatdırmışdır.
Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı çıxış edən vətəndaşların müraciətinə həssaslıqla yanaşmış, qaldırılan məsələləri qeydiyyata alaraq nəzarətə götürülməsini təmin etmiş və müraciətlərin həlli istiqamətində tapşırıqlarını vermişdir.
Masallı Rayon İcra Hakimiyyətinin Başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.
