Masallının Hişkədərə kəndində 04 iyun 2025-ci il tarixdə səyyar qəbul
04 iyun 2025-ci il tarixdə rayonun Hişkədərə kəndində Masallı Rayon İcra Hakimiyyətinin başçısı Araz Əhmədovun sakinlərlə növbəti səyyar görüş-qəbulu keçirilmişdir.
Masallı Rayon İcra Hakimiyyətinin başçısı Araz Əhmədov səyyar görüş-qəbulunu açaraq ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.
Sonra rayon rəhbəri sözü Masallı rayon İcra Hakimiyyəti başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.
Sənədlərlə və vətəndaşların müraciətləri ilə iş şöbəsinin müdiri Elvin Fəttayevə çıxış edərək ərazidə ötən qəbul zamanı 4 nəfər vətəndaş tərəfindən 4 məsələ qaldırıldığını, 2-nin müsbət həll olunduğunu və 2 məsələ ilə bağlı vətəndaşlara qanunamüvafiq cavab verildiyini bildirmişdir.
Sonra Elvin Fəttayev ərazidə görülmüş işlər barədə məlumat verərək qeyd etmişdir ki, şəhid ailələri, imtiyazlı şəxslərə və yardıma ehtiyacı olan insanlara məişət, kommunal və digər peroblemlərinin həlli ilə bağlı köməklik göstərilmiş, ərazidə 400 metr kənddaxili yol cari təmir olunmuş, Hişkədərə ərazisində 34 ədəd yararsız elektrik dirəyi və 300 metr elektrik xətti yenisi ilə əvəz olunmuş, Hişkədərə kəndində ümumilikdə 3 km-dən artıq küçələr işıqlandırılmış, ərazidə 3.8 km məsafədə suaparıcı kanallar təmizlənmiş, GPON lahiyəsi üzrə “Aztelekom” İB, “CityNet” MMC şirkətləri tərəfindən ərazinin bütün yaşayış məntəqələrinə yeni internet xətti çəkilərək əhalinin istifadəsinə verilmişdir.
Şöbə müdiri daha sonra “Yaşıl dünya naminə həmrəylik ili” çərçivəsində 430 ədəd, “Konstitusiya və Suverenlik ili” çərçivəsində isə 350 ədəd olmaqla ümumilikdə 780 ədəd ağac əkilməsi, Hişkədərə kəndində Böyük Vətən Müharibəsi abidəsinin cari təmir olunması, kənd mərkəzi yolun kənarında 520 metr məsafədə dəmir hasarın rənglənməsi, şəhid adına olan küçələrə şəhidlərin şəkillərindən ibarət lövhələr yerləşdirilməsi, kənd məscidinə 3 ədəd çilçıraq, xalça və 1 ədəd istilik sobası ehsan edilməsi, kənd qəbiristanlığında çardaq inşa edilməsi və 250 metr çəpərləmə işləri aparılması barədə məlumatları görüş iştirakçılarının nəzərinə çatdırmışdır.
Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı qaldırılan məsələlərin qeydiyyata alınması və nəzarətdə saxlanılmasını təmin etmək məqsədi ilə tapşırıqlarını vermişdir.
Masallı Rayon İcra Hakimiyyətinin başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.
