Masallıda Ərkivan qəsəbə 5 saylı ümumi orta məktəbdə gedən təmir işlərinə yerində baxış
10-09-2024, 19:16. Разместил: admin44
Masallı Rayon İcra hakimiyyəti başçısı Araz Əhmədov, Elm və Təhsil Nazirliyinin insan resursları şöbəsinin müdiri Qaçay Məmmədov, Lənkəran-Astara Regional Təhsil İdarəsinin müdiri Bəhruz Mehdiyev, Masallı Təhsil sektorunun müdiri Qoşqar Hətəmov və digər rəsmilər təhsil müəssisəsini ziyarət edərək görülən işlərlə yerində tanış olmuşlar.
Qeyd edək ki, Masallı rayonunun Ərkivan qəsəbə 5 saylı ümumi orta məktəb 1928-ci ildə inşa edilmiş və 1 əsrə yaxın bir tarixə malikdir. Məktəb binası üç korpusdan ibarət olub, zamanla müəyyən dərəcədə köhnəlmişdir. Lakin qəsəbənin xeyriyyəçiləri sayəsində məktəbin müəyyən hissələri təmir edilir və məktəb təhsil üçün daha əlverişli hala gətirilir.
Ölkəmizdə təhsilə verilən dəyər və göstərilən diqqət bu kimi nümunələrlə özünü aydın şəkildə göstərir. Təhsilin keyfiyyətini artırmaq, gənclərə müasir standartlara uyğun tədris mühitini təmin etmək məqsədilə dövlət və vətəndaşlar birgə səylər göstərirlər. Son illərdə həyata keçirilən müxtəlif dövlət proqramları, təhsil müəssisələrinin maddi-texniki bazasının yaxşılaşdırılması, müəllimlərin bilik və bacarıqlarının artırılması, eyni zamanda tədris prosesinin rəqəmsallaşdırılması bu sahədə olan irəliləyişləri nümayiş etdirir. Bu istiqamətdə həyata keçirilən tədbirlər, həmçinin millətin gələcəyi üçün təhsilin əsas prioritet olduğunu bir daha təsdiqləyir.
Masallı rayonunun Ərkivan qəsəbəsində yerləşən məktəbin təmirində də bu cür işlərin həyata keçirilməsi və ictimaiyyətin təhsilə göstərdiyi dəstək, ölkəmizin təhsil sistemindəki inkişafın bir göstəricisidir. Gələcəyin vətənpərvər, bilikli və savadlı nəsillərini yetişdirmək məqsədilə görülən bu işlər Azərbaycanın tərəqqisinə xidmət edir.
"Yeni həyat" qəzeti,
www.yeniheyet.az
Вернуться назад