Lənkəran-Astara üzrə təhsil müəssisələrində tikinti və əsaslı təmir işləri aparılır
- 5-07-2023, 12:37
- Təhsil
- 0
- 203
Lənkəran-Astara Regional Təhsil İdarəsi üzrə bir sıra təhsil müəssisələrində tikinti, əsaslı təmir və cari təmir işləri həyata keçirilir.
Verilən məlumata görə, Astara rayonu üzrə 4, Cəlilabad rayonu üzrə 8, Lerik rayonu üzrə 8, Lənkəran rayonu üzrə 2, Masallı rayonu üzrə 2 və Yardımlı rayonu üzrə 1 olmaqla ümumilikdə 13 yeni modul tipli, 3 əsaslı təmir, 7 cari təmir və 2 yeni məktəb binasının tikinti işləri davam edir.
Belə ki, modul tipli məktəblər sırasında Astara rayonu Diqo kənd ibtidai məktəbi, Cəlilabad rayonu Vənlik, Sarxanlı, Moranlı və Həsənli kənd ümumi orta məktəbləri, Söyüdlü kənd ibtidai məktəbi, Əsədli kənd tam orta məktəbi, Lerik rayonu Anburdərə və Buruq kənd ümumi orta məktəbləri, Kəlvəz kənd tam orta məktəbi, Osyodərə kənd ibtidai məktəbi, Masallı rayonunda Sarıcəfərli kənd ümumi orta məktəbi, Yardımlı rayonunda Cerinbel kənd tam orta məktəbi yer alır.
Lənkəran şəhər M.Bağırov adına 1 nömrəli tam orta məktəbi, Mamusta kənd M.Fərzullayev adına tam orta məktəbi, Cəlilabad rayonu Sabirabad kənd 2 nömrəli tam orta məktəbi əsaslı təmir olunacaq, Sərhədabad kənd tam orta məktəbi və Masallı rayonu Qəzvinoba kənd ümumi orta məktəbin binası isə yenidən inşa olunacaq.
Həmçinin Astara şəhəri Ş.Qasımov adına 4 nömrəli tam orta məktəb, Astara rayonu Ərçivan qəsəbə N.Kərimov adına 3 saylı tam orta məktəb, Sipiyəpart kənd tam orta məktəb, Lerik şəhər 3 nömrəli tam orta məktəb, Vizəzəmin, Livədirqə və Nuravud kənd tam orta məktəblərində təmir işləri aparılır.
Bundan əlavə, yeni tədris ilinin başlanmasınadək Lənkəran-Astara Regional Təhsil İdarəsinin üzrə daha 30 təhsil müəssisəsində cari təmir işlərinin görülməsi nəzərdə tutulub.
“Yeni həyat” qəzeti,
www.yeniheyet.az
