Masallıda kənd təsərrüfatı üzrə məhsul buraxılışının həcmi 1,8 faiz artmışdır – STATİSTİKA
- 1-08-2024, 11:36
- İqtisadiyyat
- 0
- 222
Masallı Rayon Statistika İdarəsindən verilən məlumatda bildirilir ki,
2024-cü ilin yanvar-iyun aylarında kənd təsərrüfatı üzrə məhsul buraxılışının ümumi dəyəri 2023-cü ilin müvafiq dövrünə nisbətən 1,8 faiz artaraq 145851,1 min manat olmuşdur ki, onun da 88436,0 min manatı və ya 60,6 faizi bitkiçilik məhsullarının, 57415,1 min manatı və ya 39,4 faizi isə heyvandarlıq məhsullarının payına düşür.
Əkin sahələrindən məhsul yığımı davam edir.
Kənd təsərrüfatının ümumi məhsulunun strukturu, faiz
2024-cü il yanvar-iyun ayları ərzində dənli (çəltik istisna olmaqla), paxlalı və yağlı bitkilər üzrə 10674,5 hektar sahədən 25406,5 ton məhsul yığılmışdır ki, bu da ötən ilin müvafiq dövründən 173,5 ton və ya 0,7 faiz azdır. Buğda sahəsinin 7459,0 hektarından 18200,0 ton (əvvəlki ilin müvafiq dövründən 559,6 ton və ya 3,0 faiz az), arpa sahəsinin isə 2966,0 hektarından 6614,2 ton (əvvəlki ilin müvafiq dövründən 398,2 ton və ya 6,4 faiz çox) məhsul yığılmışdır. Buğda üzrə məhsuldarlıq 24,4 sent/ha (əvvəlki ilin müvafiq dövründə 24,3 sent/ha), arpa üzrə isə məhsuldarlıq 22,3 sent/ha (əvvəlki ilin müvafiq dövründə 22,2 sent/ha) olmuşdur.
Tərəvəz bitkiləri üzrə 2003,0 hektar əkin sahəsindən 1944,5 hektarı yığılmış və ondan 40114,0 ton məhsul götürülmüşdür ki, bu da ötən ilin müvafiq dövründən 1100,2 ton və ya 2,8 faiz çoxdur.
Kartof bitkisi üzrə 911,0 hektar sahədən 16033,6 ton məhsul yığılmışdır ki, bu da ötən ilin müvafiq dövründən 140,8 ton və ya 0,9 faiz çoxdur.
Bostan bitkiləri üzrə 317,0 hektar əkin sahəsindən 166,0 hektarı yığılmış və ondan 2132,8 ton məhsul götürülmüşdür ki, bu da ötən ilin müvafiq dövründən 45,1 ton və ya 2,2 faiz çoxdur.
Yem bitkiləri üzrə 3262,0 hektar əkin sahəsindən 12069,4 ton məhsul götürülmüşdür ki, bu da ötən ilin müvafiq dövründən 1357,9 ton və ya 12,7 faiz çoxdur.
Meyvələr üzrə 602,3 hektar əkin sahəsindən 300,9 ton məhsul götürülmüşdür ki, bu da ötən ilin müvafiq dövründən 9,4 ton və ya 3,2 faiz çoxdur.
Giləmeyvələr üzrə 294,0 hektar əkin sahəsindən 1659,8 ton məhsul götürülmüşdür ki, bu da ötən ilin müvafiq dövrü ilə müqayisədə eyni olmuşdur.
Yaşıl çay yarpağı üzrə isə 109,5 hektar əkin sahəsinin 50,0 hektarından 22,3 ton məhsul götürülmüşdür ki, bu da ötən ilin müvafiq dövründən 9,3 ton və ya 71,5 faiz çoxdur.
"Yeni həyat" qəzeti,
www.yeniheyet.az
