Xalqın və dövlətin qurtuluş günü - MASALLIDA TƏDBİR

7-06-2023, 15:32
Maraqlı

Bu gün, iyunun 7-də Yeni Azərbaycan Partiyası (YAP) Masallı Rayon Təşkilatı, Masallı -Tarix Diyarşünaslıq Muzeyi ərazi partiya təşkilatının birgə təşkilatçılığı ilə “Heydər Əliyev ili” çərçivəsində 15 iyun- Milli Qurtuluş Günü ilə əlaqədar olaraq “Xalqın və dövlətin qurtuluş günü” mövzusunda tədbir keçirildi. Muzeydə keçirilən tədbirdə adı çəkilən müəssisə nümayəndələri, ziyalı xanımlar, YAP veteran xanımları və YAP fəalları iştirak etdilər.
Əvvəlcə Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edildi.

Tədbiri giriş sözü ilə açan YAP Masallı Rayon Təşkilatının sədri Seyfəddin Əliyev çıxış edərək “Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır”, – deyən Ümummilli Lider Heydər Əliyevin problemlərin həlli üçün ölkədə vətəndaş həmrəyliyini, sabitliyi son dərəcə vacib saydığını, respublikada ictimai-siyasi sabitlik olmasa, sağlam ictimai-siyasi mühit olmasa, heç bir sosial-iqtisadi proqramdan, yaxud problemlərin həll edilməsindən söhbət gedə bilməz söylədi. S. Əliyev Heydər Əliyevin öz xilaskarlıq missiyası ilə ölkəmizin müstəqilliyini qoruyub, respublikada tüğyan edən ictimai-siyasi böhranı aradan qaldıraraq Azərbaycanda inkişafın təməlini qoyduğunu xüsusi qeyd etdi.

Sonra Masallı Tarix-Diyarşünaslıq Muzeyi ərazi partiya təşkilatının sədri Əntiqə Tağıyeva mövzu ilə bağlı geniş məruzə etdi. O, çıxışında bu gün ölkəmizdə qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktının dayandığını qeyd etdi.

Daha sonra çıxış edən YAP Masallı Rayon təşkilatının qadınlarla iş üzrə kordinatoru Səbinə Səlimova, Bədəlan kənd tam orta məktəbin direktor müavini Məhbubə Şahbazova, Boradigah qəsəbə 2 saylı tam orta məktəbin müəllimi Nuridə Qasımova Milli Qurtuluş Günü Azərbaycan dövlətçiliyinin xilası, Azərbaycanın xaosdan, anarxiyadan, hərc-mərclikdən, özbaşınalıqdan, parçalanma təhlükəsindən qurtulduğu, sabitliyə, əmin-amanlığa, demokratiyaya qovuşduğu gün olduğunu qeyd edərək, 15 İyun tarixi təkcə dövlətçiliyimizin xilası deyil, bu tarixin həm də Azərbaycanın bu gününü, sabahını müəyyənləşdirən bir tarix gün olduğunu söylədilər.