Prezidentin Beynəlxalq təşkilatlara mesajı

Bir sıra dövlətlərin vaxtilə soyuq müharibə dövründə iki siyasi-hərbi qütb arasında qarşıdurmaya cəlb edilməmələri üçün təsis etdiyi Qoşulmama Hərəkatı (QH) hazırda beynəlxalq münasibətlərin tənzimlənməsində iştirak edən mühüm çoxtərəfli mexanizmlərdən birinə çevrilmişdir. Əsas məqsəd beynəlxalq hüquqa hörmət əsasında dünyada sülh, təhlükəsizlik və inkişafa yardım etməkdən ibarətdir.QH-ın yaradılmasının və fəaliyyətinin əsas prinsiplərindən biri onun  həm də üzvləri arasında əməkdaşlıq üçün bir forum rolunu oynamasıdır. Qoşulmama Hərəkatının hazırda 120 üzv dövlət, 18 müşahidəçi dövləti və 10 müşahidəçi beynəlxalq təşkilatı var. Azərbaycan Qoşulmama Hərəkatına sədrliyi çox çətin bir zamanda, müharibələr və münaqişələr dövründə qəbul edib və öhdəsindən ədalətlə gəlmişdir.Həm də  dünyanın üzləşdiyi çağırışların müzakirəsinə və həllinə töhfələr verib. Azərbaycanın Qoşulmama Hərəkatına sədrlik etdiyi illər  beynəlxalq platformanın qızıl illəridir desək yanılmarıq. 2019-cu ildə Hərəkata sədrliyi öz üzərimizə götürərkən Möhtərəm  Prezident İlham Əliyev bəyan etmişdi ki, Azərbaycan beynəlxalq arenada üzv ölkələrin maraqlarının müdafiə edilməsi üçün əməli addımlar atacaq, həmrəyliyin gücləndirilməsini və qarşılıqlı dəstəyi rəhbər tutacaq. Bu mənada Azərbaycan Prezidenti Qoşulmama Hərəkatının sədri kimi nəyi dedisə, onu da həyata keçirdi. Sözü və əməli bir olan Prezidentimiz nə dedisə onu həyata keçirtdi.Azərbaycan Hərəkatın institusional inkişafına güclü dəstək verdi. Ölkəmizin sədrliyi dövründə Qoşulmama Hərəkatının Parlament Şəbəkəsi, həmçinin Gənclər Təşkilatı yaradılması bunun əyani sübutudur. Hazırda hərəkatın qadınlar platformasının yaradılması üzərində iş gediyini Möhtərəm Prezidentimiz çıxışında bildirib.Cənab İlham Əliyevin bu Hərəkatın qarşısında qoyduğu hədəflər onda ibarətdir ki, hər bir ölkənin suverenliyi və ərazi bütövlüyü tanınmalıdır. 30 il ərzində aparılan mübarizənin bəhrəsi oldu.  
           
 İyulun 5-də Bakı Konqres Mərkəzində Qoşulmama Hərəkatının Əlaqələndirmə Bürosunun “Qoşulmama Hərəkatı: meydana çıxan çağırışlarla mübarizədə birgə və qətiyyətli” mövzusunda nazirlər görüşü keçirilib.
           
Forumda çıxış edən Möhtərəm Prezidenti İlham Əliyev bildirib ki, Azərbaycan Qoşulmama Hərəkatına sədrliyi dövründə “Bandunq prinsipləri” əsasında ədaləti, beynəlxalq hüququ və üzv ölkələrin qanuni maraqlarını qətiyyətlə qoruduğunu vurğulayıb.
           
 Azərbaycan Respublikası “COVİD19” pandemiyası vaxtı Hərəkatın bir sıra üzvlərinə sanballı yardımlarda yadda qalıb. Azərbaycan Prezidentinin təşəbbüsü ilə Hərəkatın “COVİD19”-la mübarizədə beynəlxalq həmrəyliyə nail olmaq məqsədi ilə həyata keçirdiyi önəmli tədbirlər unudulmazdır.   Prezident həmçinin:” Ehtiyacı olan ölkələrə yardım göstərmək Azərbaycanın sədrliyinin digər prioriteti idi. Azərbaycan əksəriyyəti Qoşulmama Hərəkatına üzv olan 80-dən çox ölkəyə ya ikitərəfli qaydada, ya da Ümumdünya Səhiyyə Təşkilatı vasitəsilə COVID-19 ilə bağlı maliyyə və humanitar dəstək göstərib. Azərbaycan Ümumdünya Səhiyyə Təşkilatına 10 milyon ABŞ dolları məbləğində könüllü töhfə verib. Biz, həmçinin beş ölkəni peyvəndlə təmin etmişik.”söylədi
           
Prezident İlham Əliyev Nazirlər görüşündə həmçinin  Fransanın fəaliyyətini kəskin tənqid edərək bildirib:“Təəssüf ki, Fransa Azərbaycanın Qarabağ bölgəsində erməni separatizmini dəstəkləyərək, geosiyasi rəqabət, xarici hərbi mövcudluq və “Orientalizm” müstəmləkəçilik siyasəti ilə Cənubi Qafqaz regionunda da eyni mənfur təcrübəni tətbiq etməyə çalışır”.Prezident bildirib ki, özünü yalandan insan haqlarının və beynəlxalq hüququn müdafiəçisi kimi qələmə verən Fransa hələ də digər ölkələrin daxili işlərinə qarışır: “Fransa qoşunlarının bu yaxınlarda Mali və Burkina-Fasodan çıxarılması onun Afrikadakı amansız neokolonializm siyasətinin uğursuzluğa məhkum olduğunu bir daha göstərdi”.“Fransa öz müstəmləkə keçmişinə, qanlı müstəmləkə cinayətlərinə və soyqırımı aktlarına görə Qoşulmama Hərəkatına üzv olan Afrika, Cənub-Şərqi Asiya ölkələrindən və digər ölkələrdən üzr istəməlidir.”
         
Ermənistanla münaqişənin həllinə gəlincə, Prezident İlham Əliyev qeyd edib ki, 2020-ci il müharibəsi başa çatdıqdan sonra İrəvanın Qarabağı Azərbaycanın tərkib hissəsi kimi tanımağa məcbur olmasına baxmayaraq, Azərbaycan ərazisində hələ də Ermənistan silahlı qüvvələrinin qalıqları var.Prezident vurğulayıb ki, əgər Ermənistan həqiqətən də regionda çoxdan gözlənilən sülhün əldə olunmasında maraqlıdırsa, o zaman onun silahlı qüvvələri Azərbaycanın Qarabağ bölgəsini tamamilə tərk etməlidir.

 Qoşulmama Hərəkatına üzv olan ölkələr Ermənistanın Azərbaycan torpaqlarını işğalı vaxtında, 44 günlük müharibənin gedişində və müharibədən sonrakı dönəmdə bizim ədalətli mövqeyimizi dəstəkləyiblər və bundan sonrada dəstəklədiklərinə inanırıq.


               
Tağıyeva Əntiqə
Masallı Tarix-Diyarşünaslıq Muzeyinin direktoru

шаблоны для dle 11.2