Masallıda maarifləndirici treninqlər keçirilib
- 18-01-2024, 23:00
- Maraqlı
- 0
- 370
Fevralın 7-nə təyin edilmiş növbədənkənar Azərbaycan Respublikası Prezidenti seçkiləri ilə əlaqədar olaraq, 73 saylı Masallı-Cəlilabad seçki dairəsinin dairə seçki komissiyasında məntəqə seçki komissiyalarının üzvlərinin maarifləndirilməsi üçün treninqlər keçirilib.
73 saylı Masallı-Cəlilabad seçki dairəsinin dairə seçki komissiyasının sədri İlkin Hüseynov bildirib ki, treninqlər məntəqə seçki komissiyaları üzvlərinin bilik, bacarıq və peşəkar vərdişlərinin gücləndirilməsində, seçkilərə hazırlıq, seçkilərin keçirilməsi, məntəqə seçki komissiyalarının vəzifələri və fəaliyyətlərinin təşkilində xüsusilə mühüm rol oynayır.
Gün ərzində iki dəfə keçirilən treninqlərdə seçki günü məntəqə seçki komissiyaları üzvlərinin rol və vəzifələri, səslərin hesablanmasına hazırlıq, seçki bülletenlərinin təsnifatı və yekun protokolun doldurulması haqqında ətraflı məlumat verilib, müzakirələr aparılıb və suallar cavablandırılıb.
Treninq zamanı, həmçinin səsvermə proseslərinə dair praktiki tapşırıqlar da icra edilib.
Hər bir iştirakçıya Mərkəzi Seçki Komissiyası tərəfindən hazırlanan “Seçki günü üçün yaddaş” kitabçası, eləcə də səsvermənin nəticələri haqqında protokol nümunəsi və bir sıra digər zəruri metodiki vəsaitlər, əyani materiallar təqdim olunub.
"Yeni həyat" qəzeti,
www.yeniheyet.az
