Ev təsərrüfatlarının uçotu- Masallıda tədbir
- 1-03-2024, 17:12
- Maraqlı
- 0
- 304
Bu gün, 28 fevral 2024-cü il tarixdə Masallı Rayon Statistika İdarəsi Masallı RİHB-nin ərazilər üzrə icra nümayəndəliklərinin iştirakı ilə “Ev təsərrüfatlarının uçotu kitabları”nın icra vəziyyəti haqqında təlimati-müşavirəsi keçirilmişdir.
Masallı Rayon Statistika İdarəsinin rəisi Ramin Bəgəlizadə “Ev təsərrüfatlarının uçotu kitabı”nın proqram təminatı üzrə üstünlükləri haqqında ətraflı məlumat vermişdir.
Həmçinin “Ev təsərrüfatlarının uçotu kitabı” üzrə məlumatların elektron məlumat bazasına daxil edilməsi qaydaları zoom platforması vasitəsilə müşavirə iştirakçılarının diqqətinə çatdırılmışdır.
Uçot kitablarındakı bütün bölmələr üzrə məlumatların doldurulması qaydası izah edilmiş və ərazilərə yekun cədvəllər təqdim edilmişdir.
Masallı Rayon Statistika İdarəsinin məsləhətçisi Elmin Əliyev çıxış edərək uçot kitablarına qeyd olunan göstəricilər üzrə yaranmış suallar ilə bağlı müşavirə iştirakçılarını məlumatlandırmış və digər məsələlərlə əlaqədar geniş müzakirə aparılmış və ərazilər üzrə ayrı-ayrı icra nümayəndəliklərinin sualları cavablandırılmışdır.
"Yeni həyat" qəzeti,
www.yeniheyet.az
