Qırğızıstanla əməkdaşlıq xüsusi əhəmiyyətə malikdir

       
Aprelin 24-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov mətbuata bəyanatla çıxış ediblər.
       
Azərbaycan Prezidenti İlham Əliyev çıxış zamanı Qırğız Prezidentini və qonaqları salamlayıb və bildirib ki,bu səfər  ölkələrimiz arasında dostluq, qardaşlıq münasibətlərinin möhkəmləndirilməsinə töhfə verəcək.Sonra Prezident onu da əlavə edib ki, imzalanan sənədlər  münasibətlərimizin gələcək inkişafını əhəmiyyətli dərəcədə müəyyən edəcək.Cənab Prezident qarşılıqlı fəaliyyət gündəliyinin genişliyindən danışıb və bildirib ki, hər il qarşılıqlı səfərlərin həyata keçirilməsi üzrə yaxşı ənənələrimiz formalaşıb.Hər bir görüş qarşılıqlı fəaliyyətin, ünsiyyətimizin gücləndirilməsi,eləcə də ikitərəfli və çoxtərəfli əməkdaşlığın mühüm məsələlərinin həlli baxımından əhəmiyyətli və dəyərlidir.Cənab Prezident qeyd edib ki, bu yaxınlarda Azərbaycan Mərkəzi Asiya Dövlət Başçılarının 5-ci Məşvərət görüşündə fəxri qonaq qismində iştirak edib.Bunlar təbiidir, çünki Azərbaycanı Mərkəzi Asiya ilə çoxəsrlik əməkdaşlıq, dostluq, qardaşlıq, qarşılıqlı fəaliyyət bağları bağlayır.Ən əsası, qardaş ölkələrdən olan ənənəvi  tərəfdaşlarımızla qarşılıqlı fəaliyyəti möhkəmləndiririk.Onların arasında Qırğızıstanla əməkdaşlıq xüsusi əhəmiyyətə malikdir.
     
 Ölkə rəhbəri qeyd edib ki, ölkəmiz iqtisadi-ticari sahədə fəal əməkdaşlıq edir.Ticarət dövriyyəsinin rəqəmləri artmaqdadır.Həmçinin Azərbaycan-Qırğız İnkişaf Fondunun Nizamnamə fondu haqqında Sazişə əlavə olunub.Qırğızıstanda investisiya layihələrinin həyata keçirilməsi üçün fonda 40-dan çöx müraciət daxil olub.
     
Daha sonra cənab Prezident İlham Əliyev işğaldan azad edilmiş ərazilərin bərpası və yenidən qurulması işində dəstəyə görə Sadır Japarova xüsusi təşəkkürünü bildirib və qeyd edib ki, Qırğızıstan Respublikasının Prezidentinin təşəbbüsü ilə Qırğızıstan Ağdam rayonunda orta məktəbin tikintisini öz vəsaiti hesabına həyata keçirəcək.
   
Cənab Prezident energetikaŞnəqliyyat sahələrinin geniş müzakirəsindən də danışıb.Prezident İlham Əliyev bildirib ki, ikitərəfli əməkdaşlıq formatından çox danışmaq olar.Bütün istiqamətlər üzrə fəal qarşılıqlı fəaliyyəti davam etdirmək niyyətindəyik.Bunun üçün müvafiq sənədlərin imzalandığını vurğulayan Prezident qeyd edib ki, bu sənədlər hələ imzalanan sənədlərin hamısı deyil.Biz həmçinin münasibətlərimizin möhkəm qanunvericilik bazasını yaradırıq.
     
Sonda Azərbaycan Prezidenti İlham Əliyev Qırğızıstan Prezidentinə və gələn qonaqlara Azərbaycanda xoş saatlar keçirməyi arzulayıb.


   
Ş.Xəlilova,
S.Xəlilov adına Qızılağac kənd 1 nömrəli tam orta məktəbin müəllimi




"Yeni həyat" qəzeti,
www.yeniheyet.azшаблоны для dle 11.2