Xilaskar dahi

Hər bir xalqın,hər bir millətin ən böyük sərvəti onun azadlığı,müstəqil dövlətə malik olmağıdır. Müstəqillik hədiyyə edilmir. Onu kimsə bəxş etmir. Müstəqilliyə gedən yol böyük mübarizələrdən keçir. Onu qazanmaq və qoruyub saxlamaq qurbanlar tələb edir. Azərbaycanın tarixində ağrılı-acılı çox hadisələr baş verdi.20 Yanvar faciəsi,Xocalı soyqırımı törədildi,torpaqlarımızın bir hissəsi işğal olundu, Azərbaycanın iqtisadiyyatı dağıdıldı,elm və mədəniyyətimiz durğunluğa məruz qaldı. 1993-cü ilin iyun ayı idi. Azərbaycan tarixin ən çətin dövrlərindən birini yaşayırdı. Torpaqlarımız işğal edilmişdi. Ölkə vətəndaş müharibəsi təhlükəsi ilə üz-üzə qalmışdı. Müxtəlif siyasi və hərbi qruplaşmalar arasında gedən daxili mübarizə respublikanı süquta doğru aparırdı. Bu zaman tarix səhnəsinə yenidən Heydər Əliyev dühası çıxdı. Heydər Əliyev ikinci dəfə Azərbaycanda hakimiyyətə qayıtdı. Böhrandan çıxış yolu axtaran Əbülfəz Elçibəy kömək üçün məhz Heydər Əliyevə müraciət etdi.

Xalqın təkidi ilə Naxçıvandan Bakıya gələn Heydər Əliyev respublikanı ağır siyasi böhrandan çıxarmaq üçün bir neçə mühüm addım atdı. O, ilk növbədə Gəncə şəhərinə gedərək hərbi müxalifətin başçıları ilə danışıqlar apardı,vəziyyətdən çıxış yollarını müəyyən etdi. Heydər Əliyev 1993-cü il iyunun 15-də Milli Məclisin sessiyasında Ali Sovetin sədri seçildi. Azərbaycan tarixində yeni bir dövrün başlanğıcını qoyan həmin gün Milli Məclis tərəfindən 1997-ci ildə Milli Qurtuluş Günü elan olundu. Heydər Əliyevin müdrik daxili və xarici siyasəti ölkəmizi böyük dövlətlərin strateji tərəfdaşına çevirdi. Neft strategiyasının əsası qoyuldu.O, doğma xalqını işıqlı gələcəyə qovuşdurmaq üçün gecəsini gündüzünə qatan, Vətən yolunda, xalq yolunda bütün gücünü əsirgəməyən peşəkar siyasi memardır. Məhz bu siyasi kursun layiqli davamçısı İlham Əliyev Azərbaycanı dünyanın sürətlə inkişaf edən ölkələrindən birinə çevirən böyük dövlət xadimidir.




Ağayeva Gülnar,
Dəlləkoba kənd E.Heybətov adına ümumi orta məktəbinin tarix müəllimi
шаблоны для dle 11.2