Ələt Beynəlxalq Dəniz Ticarət limanı regionun yaşıl ticarət məkanına çevrilir

       
 Azərbaycan iqtisadi və siyasi inkişaf xəttinin son dövürlərində  ticarət limanının yaradılması ilə bağlı  geniş miqyaslı işlərin  getdiyi hər birimizə yaxşı məlumdur.  Artıq bir neçə illərdir  layihələndirmə işləri görülmüş, yerin seçilməsi ilə bağlı tədqiqatlar aparılmışdır. Məkan ,yer kimi Ələt limanının  seçilməsi də təsadüfi xarakter daşımır. Həm dənizin bu hissəsindəki məqbul şərait, eyni zamanda, ərazinin bütün magistral avtomobil yolları ilə bağlı olması, əlbəttə ki, bu yerin seçilməsində xüsusi rol oynamışdır. Bakının bu bölgəsindən şimal, cənub və qərb istiqamətlərinə çox rahatlıqla avtomobil bağlantısı vardır və dəmir yolunun mövcudluğu, əlbəttə ki, bu yerin seçilməsində mühüm rol oynamışdır.
   
Bir neçə il bundan əvvəl ölkə başçımız cənab İlham Əliyev Ələt Beynəlxalq Dəniz ticarət   limanın tikilməsi qərarını verdi.  Bu ticarət limanənın İnşaatında yerli və xarici mütəxəssislər iştirak edir. Yeni regionda yeganə və ilk  yaşıl ticarət limanında ən yüksək standartlar  tətbiq olunub. Ələt  Beynəlxalq Dəniz Ticarət limanı öndəki zamanda Azərbaycanda güclü nəqliyyat və logistika mərkəzi yaradılmasına böyük təkan verən bir tikilidir.
     
Ələt qəsəbəsində Bakı Beynəlxalq Dəniz Ticarət Limanının (paytaxtın Qaradağ rayonu) 14 may 2018-ci ildə açılış mərasimində Prezident İlham Əliyevin nitqi bir daha ölkə rəhbərliyinin nəqliyyat infrastrukturunun təkmilləşdirilməsinə və Azərbaycanın tranzit imkanlarının artırılmasına yüksək önəm verdiyinin sübutudur. 2010-cu ilin noyabr ayında kompleksin təməli qoyulmuş, 2014-ci ilin sentyabr ayında əsas bərə terminalı istifadəyə verilmiş, yanvar 2018-ci ildə - Ro-Ro terminalı, həmin ilin may ayında isə bütövlükdə kompleksin açılışı baş tutmuşdur. Limanda 12 bərə var. Bərələrin ümumi uzunluğu təxminən 2100 metrdir.   Ən müasir mühəndislik yeniliklərindən biri olan dəmir-beton konstruksiyanın istinad divarının uzunluğu 1777 metrdir. Limanda, Ro-Ro (rampa bölməsinə yaxınlaşan gəmilər yüklərini boşaldacaq) tipli gəmilərin yanalması üçün 2 bərə, yeddi bərədən ibarət universal konteyner terminalı, iki bərə körpüsü, həmçinin gəmilər üçün xidməti yanalma körpüsü tikilmişdir. Kanal və akvatoriya Xəzər dənizində üzən bütün növ gəmilərin limanına pulsuz giriş imkanı verir.
   
Yeni Beynəlxalq Limanın yük daşıma qabiliyyəti 15 milyon tondur, növbəti mərhələdə 25 milyon tona çatdırılacağı nəzərdə tutulan bu tikili Bakını bölgənin əsas logistika mərkəzinə çevirmiş olur. Bu da bizim ölkənin daha yeni inkişaf mərhələsinə təkan verən bir haldır. Bir sözlə Azərbaycan beynəlxalq aləmdə bu sahədə də özünü bir daha göstərəcəkdir.
         
Ölkə başçımız İlham əliyev  çıxışlarının birində söyləmişdir ki, “ Biz gələcəkdə Xəzər dənizində əməkdaşlığın dərinləşməsi və iqtisadi islahatların aparılması nəticəsində daha da fəal əməkdaşlıq gözləyirik. Xəzəryanı ölkələrdə iqtisadi inkişaf sürətlə gedir.” Ölkə başçımızın çox böyük diqqət , həssaslıqla yanaşdığı bu layihə  Azərbaycanın tikinti sektorunda ölkə əhəmiyyətli böyük layihələrə ən müasir yanaşma tətbiq olunur.  Şübhə yox ki,  yeni beynəlxalq limanımız bu gün fəaliyyət göstərən limanlar arasında öz gözəlliyi və funksional mahiyyəti ilə fərqlənəcəkdir.
   Azərbaycanın inkişaf  tarixinə yazılacaq bu ticarət limanının gözəl nəticələrini bizimlə yanaşı   gələcək nəsillər də görəcəkdir.  
 
 İlham Əliyevin söylədiyi kimi : “ Azərbaycan daha da güclü dövlətə çevriləcəkdir, bizim bölgədəki mövqelərimiz daha da möhkəmlənəcək, regional əməkdaşlıq daha da sürətlə gedəcək və biz yeni qələbəni əldə edəcəyik. “
 
 Əlbəttə bu zaman və səbir tələb edir.  Bir millət və xalq olaraq səbrimiz və gücümüzlə hər zaman qələbə qazandığımız kimi bu iqtisadi və beynəlxalq ticarət limanının sayəsində qazanacağımız  uğurumuzu görür və onun zaman -zaman gerçəkləşməsinin şahidi oluruq.





Dilgüşə Məmmədova,
Masallı Tarix- Diyarşünaslıq Muzeyinin elmi işçisiшаблоны для dle 11.2