Anar Novruzovun xatirəsi anılıb – MASALLIDA
- 15-07-2024, 09:43
- Maraqlı
- 0
- 330
Anar Novruzovun şəhadətə yüksəlməyinin dördüncü ildönümü
İyulun 14-də, Masallı rayonunun Ərkivan qəsəbəsində Aprel və Tovuz döyüşləri qəhrəmanı, 3-cü dərəcəli “Vətənə xidmətə görə” ordenli şəhid mayor Anar Novruzovun (12.05.1976-14.07.2020) anım günü qeyd olunub.
A.Novruzovun şəhadətə yüksəlməyinin dördüncü ildönümü mərasimi şəhidin məzarı önündə keçirilib.
Mərasimə rayon rəsmiləri, şəhidin doğmaları, hərbçi yoldaşları, müharibə iştirakçıları, qəsəbə sakinləri, ictimaiyyət nümayəndələri şəhidin ailəsinə və doğmalarına dərin hüznlə başsağlığı verib, məzarı üzərinə əklil və gül dəstələri düzərək, xatirəsini böyük ehtiramla anıblar.
Anım tədbirində Anar Gülverdi oğlu Novruzovun keçdiyi döyüş yolundan, İyul döyüşlərinin əhəmiyyəti, 44 günlük Vətən müharibəsində qazanılan böyük Zəfərdən söz açılıb, şəhidin qəhrəmanlıq nümunəsinin yeni nəsl üçün örnək olduğu bildirilib.
Şəhidin hərbçi yoldaşları, ehtiyatda olan polkovnik Vidadi Cahangirov, Şirzad Hüseynov, mayor Zaur Əliyev, kursant yoldaşı mayor Pərviz Salayev xatirələrini bölüşüblər.
Şəhidin qardaşı Sücəddin Novruzov dövlət tərəfindən şəhid ailələrinə göstərilən diqqət və qayğıya görə dövlətimizin başçısına minnətdarlığını bildirib.
![](/uploads/posts/2024-07/medium/1721025768_4.jpg)
![](/uploads/posts/2024-07/medium/1721025776_4c68a108-f513-4405-bfad-9c0fa8bada5b.jpg)
![](/uploads/posts/2024-07/medium/1721025885_5.jpg)
![](/uploads/posts/2024-07/medium/1721025841_f0e1d3c4-6e11-4f69-b63b-5ba1244cedac.jpg)
![](/uploads/posts/2024-07/medium/1721025871_aad88ae3-e540-45b8-a5f9-afc49c156f73.jpg)
Akif AĞAYEV