İmzalanan sənədlər ikitərəfli əlaqələrin möhkəmlənməsinə və inkişafına ciddi təsir edəcək

Azərbaycan və Pakistan arasındakı münasibətlər tarixi köklərə malikdir. Hər iki ölkə bir-birinə sıx dostluq əlaqələri ilə bağlıdır. Pakistan Azərbaycanın müstəqilliyini tanıyan ilk dövlətlərdən biridir. Diplomatik əlaqələrin əsası isə 1992-ci ilin iyununda qoyulub. Bakıda Pakistan səfirliyi 1993-cü ilin martında açılıb, Azərbaycan İslamabadda öz diplomatik missiyasına 1997-ci ilin avqustunda başlayıb.İki dövlət arasında münasibətlərin inkişafına Ümummilli Lider Heydər Əliyev böyük xidmətlər göstərib. Hazırda bu siyasət Prezident İlham Əliyev tərəfindən uğurla davam etdirilir. İki ölkə arasında əməkdaşlıq siyasi, iqtisadi, təhlükəsizlik, mədəniyyət, müdafiə və digər sahələrdə davam etdirilir və  son illərdə daha da dərinləşmişdir.
     
Son illər Azərbaycanın beynəlxalq aləmdə nüfuzunun artması ölkəmizin müxtəlif dövlətlərlə münasibətlərinə də müsbət təsir göstərir, əlaqələrimizi strateji tərəfdaşlıq səviyyəsinə yüksəldir. Ötən bir neçə il ərzində Azərbaycan Prezidenti İlham Əliyevin müxtəlif nüfuzlu beynəlxalq tədbirlərə dəvət alması, bir sıra tədbirlərdə fəxri qonaq qismində iştirak etməsi ölkəmizin artan rolunun və çəkisinin əyani təsdiqidir. Azərbaycanın həm Avropanın, həm də Asiyanın müxtəlif regionlarında yerləşən dövlətləri ilə ikitərəfli əlaqələri onu qitələrarası qovşağa çevirir. Ölkəmizin sıx dostluq və qardaşlıq əlaqələri qurduğu, qarşılıqlı münasibətləri strateji tərəfdaşlıq səviyyəsinə yüksəlmiş ölkələrdən biri də qardaş Pakistandır. İki ölkə arasında möhkəm dostluq və qardaşlıq təməlləri üzrə qurulmuş strateji tərəfdaşlıq münasibətləri mövcuddur. Hər iki ölkə həm ikitərəfli, həm də çoxtərəfli platformalarda bir-birinə daim dəstək göstərir və əlaqələrimiz bütün sahələrdə sürətlə inkişaf edir.Bu münasibətlərin inkişafı regionda siyasi, iqtisadi və mədəni əməkdaşlığın genişlənməsinə təkan verir. 2024-cü ilin 11 iyul tarixində Azərbaycan Prezidenti İlham Əliyevin İslamabadda həyata keçirdiyi dövlət səfəri, Azərbaycan və Pakistan arasındakı münasibətlərin yeni bir mərhələyə qədəm qoymasını təmin etdi.
           
 Azərbaycan və Pakistan arasındakı strateji tərəfdaşlıq münasibətlərinin daha da gücləndirilməsi və bütün sahələr üzrə əməkdaşlığın hərtərəfli genişləndirilməsi baxımından tarixi əhəmiyyət kəsb edir. Səfər çərçivəsində keçirilən görüşlər, aparılan müzakirələr, imzalanan sənədlər ikitərəfli əlaqələrin möhkəmlənməsinə, strateji tərəfdaşlığın genişlənməsinə və inkişafına ciddi təsir edəcək. Demək olar ki, qarşılıqlı etimad və səmimiyyət üzərində qurulan Azərbaycan-Pakistan əlaqələri yeni inkişaf dövrünü yaşayır, əlaqələrin gələcək perspektivləri olduqca ümidvericidir.İki ölkə arasında iqtisadi əlaqələrin gücləndirilməsi məqsədilə imzalanan müqavilələr, ticarət mübadiləsinin artırılmasını və investisiya layihələrinin, enerji resurslarının mübadiləsi və birgə layihələrin həyata keçirilməsi, mədəni mübadilənin artırılması və təhsil sahəsində əməkdaşlığın genişləndirilməsi də diqqət mərkəzində olmuşdur. İki ölkə arasında gənclər və tələbələr üçün yeni proqramların hazırlanması nəzərdə tutuımuşdur.Mədəniyyət sahəsində imzalanan sənədlər, iki xalq arasında dostluq və əməkdaşlığın daha da artırılmasına yönəldilmişdir.
                 
 Azərbaycan Prezidenti İlham Əliyev Pakistanla əlaqələrimizi belə xarakterizə edib: “Ölkələrimiz arasında münasibətlər birgə tarix, mədəniyyət, din, həmrəylik və qarşılıqlı dəstək üzərində qurulub. Biz Pakistana minnətdarıq ki, işğal dövründə Azərbaycana dəstək verib və 44 günlük Vətən müharibəsi zamanı da bizə güclü dəstək göstərib. Azərbaycan Pakistanı Kəşmir məsələsində hər zaman dəstəkləyib, bu dəstək davam edəcəkdir. Biz bütün beynəlxalq təşkilatlarda bu dəstəyi və həmrəyliyi nümayiş etdiririk. Əlbəttə ki, qarşılıqlı dəstək bizim ölkələri və xalqları daha da yaxınlaşdırır”.
               
2024-cü ilin 11 iyul tarixində İslamabadda imzalanmış sənədlər, Azərbaycan-Pakistan münasibətlərinin daha da dərinləşməsinə və yeni perspektivlərin yaranmasına zəmin yaradır. Bu əməkdaşlıq, yalnız iki ölkənin deyil, eyni zamanda regionun da inkişafına töhfə verəcək.


 

Əntiqə Tağıyeva,
Hişkədərə kənd sakini,YAP-nın fəal üzvüшаблоны для dle 11.2