Masallıda idarə, müəssisə və təşkilatlarda ağacəkmə aksiyaları keçirdi
- 29-10-2024, 09:17
- Maraqlı
- 0
- 212
Masallı rayonunda “Yaşıl dünya naminə həmrəylik ili” çərçivəsində ağacəkmə aksiyaları geniş vüsət almışdır.
Belə ki, rayon ərazisində ilin əvvəlindən başlayaraq ağacəkmə aksiyaları keçirilir, aksiyalara rayonun idarə, müəssisə və təşkilatlarıda qoşularaq müxtəlif növ ağacların əkilməsi, suvarılması təmin olunmuş və əkilən ağaclara aqrotexniki qulluq göstərilmişdir.
Xüsusi ilə qeyd etmək istərdik ki, Lənkəran-Asatara Regional Təhsil idarəsi, Masallı Təhsil sektoru tərəfindən rayonun ümumtəhsil ocaqlarında, Tibbi Ərazi Bölmələrini İdarəetmə Birliyi, Masallı Rayon Mərkəzi Xəstəxanası tərəfindən tibb müəsisəsinin həyətində, Lənkəran-Asatara Regional Mədəniyyət idarəsi, Masallı rayon Mədəniyyət sektoru tərəfindən rayonun müxtəlif ərazilərində olan qurumlarında, Cənub Regional Enerji Təchizatı və satışı idarəsi, Masallı Elektrik Şəbəkəsi tərəfindən inzibati binanın ətrafında və Yeni Azərbaycan Partiyası Masallı Rayon Təşkilatı tərəfindən inzibati binanın ətrafında müxtəlif növ meşə və meyvə ağacları əkilmişdir.
Rayon ərazisində ağacəkmə aksiyaları davam etməkdədir.
