“Zorakılığa yox deyək” – Masallıda maarifləndirici tədbir
- 9-01-2025, 15:06
- Maraqlı
- 0
- 160
Masallıda “Uşaq və yeniyetmələr arasında intihar hallarının, məişət zorakılığının qarşısının alınması” mövzusunda maarifləndirici tədbir keçirilib.
“Zorakılığa yox deyək” adlı tədbir Masallı Dövlət Regional Kollecində gerçəkləşib.
Tədbirdə kollecin pedaqoji heyəti və valideynlər iştirak ediblər.
Kollecin şöbə müdiri Nazim Əliyev bildirib ki, bu cür maarifləndirici görüşlərin keçirilməsi uşaq və yeniyetmələrin sağlam inkişafına dəstək göstərilməsi, eləcə də valideyn, müəllim və məktəb psixoloqlarını mövcud problemlərin qarşısının alınması yolları ilə tanış etmək istiqmətində önəmlidir.
Bioloji Təbabət Klinikasının klinik-psixoloqu, psixoterapevt Nigar Pənalı Həsənova iştirakçılara uşaqların psixoloji rifahını qorumaq, onların təhlükəsiz və sağlam mühitdə inkişafını təmin etmək, uşaq və yeniyetmələrin asudə vaxtlarının səmərəli keçirmələri barədə tövsiyələrini verib, təkliflər səsləndirib.
Çıxışlarda intihar, məişət zorakılığı və uşaqlara qarşı zorakılıq hallarının cəmiyyətdə ciddi narahatlıq doğurduğu, mövcud problemlərin həlli yönümündə müzakirələr aparıldığı diqqətə çatdırılıb.
Sonda görüş iştirakçılarını maraqlandıran suallar cavablandırılıb.
Akif AĞAYEV.
