Viləş kəndində Vətən Müharibəsi Qəhrəmanı, şəhid gizir İntiqam Əsgərlinin anım mərasimi keçirilib
16-11-2023, 09:16. Разместил: admin44
Dünən, 9 noyabr 2023-ci il tarixdə Masallı rayonunun Viləş kənd şəhid S.Hacıyev adına kənd tam orta məktəbində 44 günlük Vətən müharibəsinin şəhidi, Vətən Müharibəsi Qəhrəmanı şəhid gizir İntiqam Əsgərlinin anım mərasimi təşkil edilmişdir.
Mərasimdə Masallı Rayon İcra Hakimiyyətinin başçısı aparatının məsul işçiləri, SHXÇDX Masallı rayon şöbəsinin əməkdaşları, şəhid ailələri, qonaqlar, qazilər, kənd sakinləri və media nümayəndələri iştirak etmişlər.
Tədbirdə əvvəlcə Azərbaycan Respublikasının Dövlət Himni səsləndirilib və Vətən müharibəsi şəhidlərinin əziz xatirəsi bir dəqiqəlik sükutla yad edilmişdir.
Viləş kənd tam orta məktəbinin tarix müəllimi Raqil Babayev, RİH başçısı aparatının məsul nümayəndəsi Zahid Sadıqov, Lənkəran-Astara Regional Təhsil İdarəsinin Masallı rayon Təhsil Şöbəsi sektorunun məsləhətçisi Hörmət Balakişiyev, Masallı RİHB-nın Viləş kənd İƏD üzrə nümayəndəsi Alim Ələmov, qazi, 5 medallı Bəxtiyar Salayev,şəhid S.Hacıyev adına Viləş kənd tam orta məktəbinin direktoru Ehtiram Abasov və başqaları çıxışlarında Müzəffər Ali Baş Komandan cənab İlham Əliyevin rəhbərliyi ilə qazanılan tarixi Qələbədən, ordu-xalq birliyindən, İntiqamların qanının yerdə qalmadığından söhbət açaraq bildirmişlər ki, İntiqam təkcə Bayramın yox, bütün Azərbaycanın, dünya azərbaycanlılarının övladıdır.
İki şəhid anası Ziba Əsgərova çıxışında Qəhrəman oğlanları haqqında xatirələrini danışıb.
İki şəhid valideynləri-Bayram və Ziba, ailələri hər zaman onlara göstərilən diqqət və qayğıya görə Müzəffər Ali Baş Komandan cənab İlham Əliyevə, birinci xanım Mehriban Əliyevaya və Masallı rayonunun icra başçısına dərin minnətdarlığını bildirmişlər.
Lənkəran-Astara Regional Mədəniyyət İdarəsinin 11 illik incəsənət məktəbinin nəğmə müəllimi Mahmud Abbasov, Viləş kənd mədəniyyət evinin aktyor və müğənniləri, məktəb şagird və müəllumlərinin iştirakı ilə maraqlı və yaddaqalan bədii motivlər əsasında hazırlanmış ədəbi kompozisiya, gözəl rəqslər və tamaşa nümayiş etdirmişlər.
İbrahim ŞÜKÜROV,
ştatdankənar müxbirimiz.
"Yeni həyat" qəzeti,
www.yeniheyet.az
Вернуться назад