Əli Nağıyev: Şəxsiyyəti müəyyən edilmiş 25 nəfərdən 13-ü DTX-nin Hərbi-Tibb Baş İdarəsinin genetik laboratoriyasında eyniləşdirilib
- 18-09-2023, 14:19
- Siyasət
- 0
- 222
Azərbaycan Respublikasının Prezidenti İlham Əliyevin müvafiq tapşırığı və ayrılmış vəsait hesabına Dövlət Təhlükəsizliyi Xidmətinin Hərbi-Tibb Baş İdarəsinin tərkibində genetik laboratoriya yaradılması və ən müasir avadanlıqlarla təmin edilməsi ölkə rəhbərinin bu sahəyə böyük önəm verdiyini bir daha təsdiqləyir.
Bu barədə Dövlət Təhlükəsizliyi Xidmətinin rəisi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev Bakıda keçirilən “İtkin düşmüş şəxslərin taleyinin aydınlaşdırılması üçün milli və beynəlxalq səylərin artırılması” mövzusunda beynəlxalq konfransda deyib.
Qeyd edib ki, artıq şəxsiyyəti müəyyən edilmiş 25 nəfərdən 13-ü Dövlət Təhlükəsizliyi Xidmətinin Hərbi-Tibb Baş İdarəsinin tərkibində yaradılmış genetik laboratoriyada eyniləşdirilib.
"Yeni həyat" qəzeti,
www.yeniheyet.az
