Rayon rəhbəri Masallının kəndlərindən olan şəhid ailələrini ziyarət edir
Masallı rayonunda şəhid ailələri daim dövlətin diqqət və qayğısı ilə əhatə olunmuşdur. Belə ki, Vətən Müharibəsi şəhidlərinin anım günü ərəfəsində Masallı Rayon İcra Hakimiyyətinin Başçısı Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, Rayon İcra Hakimiyyəti Başçısının kənd inzibati ərazi dairəsi üzrə nümayəndəlikləri və Qafqaz Müsəlmanları idarəsinin Masallı rayonu üzrə Qazisi Rəşid Talıbov Masallının Öncəqala, Şərəfə, Binə Xocavar, İmanlı, Kəlbəhüseynli və Çaxırlı kəndlərində yaşayan şəhid ailələrini ziyarət etmiş, onların qayğı və problemləri ilə maraqlanmışlar. Eyni zamanda şəhid ailələri qəhrəman şəhid övladları ilə bağlı xatirələrini qonaqlarla bölüşmüşlər.
Ziyarət olunan şəhid ailələri onlara göstərilən diqqət və qayğıya görə Ali Baş Kamandan Cənab İlham Əliyevə, Birinci Vitse-prezident Mehriban xanım Əliyevaya, rayon rəhbərliyinə və qonaqlara minnətdarlığını ifadə ediblər.
"Yeni həyat" qəzeti,
www.yeniheyet.az
