Masallının Şıxlar kəndində 06 avqust 2025-ci il tarixdə səyyar qəbul
06 avqust 2025-ci il tarixdə rayonun Şıxlar kəndində Masallı Rayon İcra Hakimiyyətinin başçısı Araz Əhmədovun sakinlərlə növbəti səyyar görüş-qəbulu keçirilmişdir.
Masallı Rayon İcra Hakimiyyətinin başçısı Araz Əhmədov səyyar görüş-qəbulunu açaraq ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.
Sonra rayon rəhbəri sözü Masallı Rayon İcra Hakimiyyəti başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.
Sənədlərlə və vətəndaşların müraciətləri ilə iş şöbəsinin müdiri Elvin Fəttayev çıxış edərək ərazidə ötən qəbul zamanı 8 nəfər vətəndaş tərəfindən 8 məsələ qaldırıldığını, 2-nin müsbət həll olunduğunu və 6 məsələ ilə bağlı vətəndaşlara qanunamüvafiq cavab verildiyini bildirmişdir.
Sonra Elvin Fəttayev ərazidə görülmüş işlər barədə məlumat verərək qeyd etmişdir ki, şəhid ailələri, imtiyazlı şəxslərə və yardıma ehtiyacı olan insanlara məişət, kommunal və digər problemlərinin həlli ilə bağlı köməklik göstərilmiş, Şıxlar ərazisində 1,3 km kənddaxili yola çınqıl döşənmiş və əlavə olaraq 2 km yol qreyderlə hamarlanmış, ərazidə 21 ədəd yararsız elektrik dirəyi və 300 metr elektrik xətti yenisi ilə əvəz olunmuş, Şıxlar ərazisində 20 metr qaz xətti yenisi ilə əvəz olunmuş və 1 vətəndaşın fərdi yaşayış evinə təbii qazın çəkilməsi təmin olunmuş, ərazidə 300 metr məsafədə suaparıcı kanallar təmizlənmiş, GPON lahiyəsi üzrə “Aztelekom” İB və “CityNet” MMC şirkəti tərəfindən ərazidə yeni internet xətti çəkilərək əhalinin istifadəsinə verilmişdir.
Şöbə müdiri daha sonra “Yaşıl dünya naminə həmrəylik ili” çərçivəsində 650 ədəd, “Konstitusiya və Suverenlik ili” çərçivəsində isə 300 ədəd olmaqla ümumilikdə 950 ədəd ağac əkilməsi, Şıxlar kənd ümumi orta məktəbində cari təmir işləri aparılması, Şəhid Natiq Orucovun məzarı üstə çardaq tikilməsi və 20 yanvar şəhidlər abidəsində təmir işləri aparılması, Şıxlar kəndində Vətən müharibəsi iştirakçısına 3 maşın və Şıxlar kənd ümumi orta məktəbinə 1 maşın odun yanacağı verilməsi, ərazidə olan dövlət bayraqları və şəhid lövhələrinin yenilənməsi barədə məlumatları görüş iştirakçılarının nəzərinə çatdırmışdır.
Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı qaldırılan məsələlərin qeydiyyata alınması və nəzarətdə saxlanılmasını təmin etmək məqsədi ilə tapşırıqlarını vermişdir.
Masallı rayon İcra Hakimiyyətinin başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.
