Masallı məktəblisi “Qızıl naşan”la təltif olundu
- 24-07-2023, 19:20
- Təhsil
- 0
- 423
Belə ki, Masallı rayonunun Sığıncaq kənd tam orta məktəbinin 11-ci sinif şagirdi Cəfərov Rövnəq Fərəc oğlu Azərbaycan Respublikası Elm və Təhsil naziri Emin Əmrullayevin əmri ilə "Qızıl nişan" la təltif olunmuşdur.
Qeyd etmək istərdik ki, R.Cəfərov 25 iyul 2006-cı ildə Masallı rayonu Təklə kəndində anadan olmuş, 2012-ci ildə Masallı rayon M.Qarayev adına Sığıncaq kənd tam orta məktəbində 1-ci sinifə başlamış, 2020-ci ildən başlayaraq Azərbaycan Respublikası Elm və Təhsil Nazirliyi tərəfindən təşkil olunan Respublika Fənn Olimpiadalarında iştirak etmişdir. İlk olaraq 2020-ci ildə coğrafiya fənni üzrə gümüş, 2021-ci yenidən gümüş, 2022-ci ildə qızıl, 2023 ildə isə yenidən gümüş medala layiq görülmüşdür. Həmçinin 2021-ci ildə ölkəmizi Avropa Coğrafiya Olimpiadasına təmsil edib, sertifikat qazanmışdır. 2023-cü ildə Dövlət İmtahan Mərkəzi tərəfindən keçirilən buraxılış imtahanların 266 bal, blok imtahanında isə 366.7 bal toplayaraq, ümumilikdə 632.7 bal toplamışdır.
Rövnəq Fərəc oğlu Cəfərovun əldə etdiyi nailiyyətləri nəzərə alan Azərbaycan Respublikası Elm və Təhsil naziri Emin Əmrullayev onu "Qızıl nişan" la təltif etmişdir.
Masallı Rayon İcra Hakimiyyəti olaraq Rövnəq Cəfərovu təbrik edir, ona uğurlar arzulayırıq.
"Yeni həyat" qəzeti,
www.yeniheyet.az
