Masallı rayonu üzrə 2024-cü ildə kənd təsərrüfatının ümumi məhsul buraxılışı artmışdır
- 30-01-2025, 12:04
- İqtisadiyyat
- 0
- 243
Masallı Rayon Statistika İdarəsindən verilən məlumatda bildirilir ki, 2024-cü ildə kənd təsərrüfatı, meşə təsərrüfatı və balıqçılıq sahəsi üzrə məhsul buraxılışının ümumi dəyəri 2023-cü ilə nisbətən 0,3 faiz artaraq 201522,7 min manat olmuşdur ki, onun da 93822,2 min manatı və ya 46,6 faizi bitkiçilik məhsullarının, 107700,5 min manatı və ya 53,4 faizi isə heyvandarlıq məhsullarının payına düşür. 2024-cü il ərzində dənli və dənli paxlalı bitkilər üzrə 11298,1 hektar əkin sahəsindən 27793,3 ton məhsul yığılmışdır. Buğda sahəsinin 7459,0 hektarından 18200,0 ton, arpa sahəsinin isə 2966,0 hektarından 6614,2 ton məhsul yığılmışdır. Buğda üzrə məhsuldarlıq hər hektara 24,4 sentner (2023-cü ildə 24,3 sentner), arpa üzrə isə məhsuldarlıq 22,3 sentner (2023-cü ildə 22,2 sentner) olmuşdur.
Kartof bitkisi üzrə 911,0 hektar əkin sahəsindən 16036,6 ton məhsul yığılmışdır ki, bu da ötən ilə nisbətən 143,8 ton və ya 0,9 faiz çox olmuşdur.
Tərəvəz bitkiləri üzrə 2003,0 hektar əkin sahəsindən 56168,8 ton məhsul götürülmüşdür ki, bu da ötən ilə nisbətən 211,2 ton və ya 0,4 faiz az olmuşdur.
Kartof bitkisi üzrə 911,0 hektar əkin sahəsindən 16036,6 ton məhsul yığılmışdır ki, bu da ötən ilə nisbətən 143,8 ton və ya 0,9 faiz çox olmuşdur.
Bostan bitkiləri üzrə 317,0 hektar əkin sahəsindən 4644,0 ton məhsul götürülmüşdür ki, bu da ötən ilə nisbətən 92,0 ton və ya 2,0 faiz çox olmuşdur.
Meyvələr və giləmeyvələr üzrə 898,7 hektar əkin sahəsindən 5348,5 ton məhsul götürülmüşdür ki, bu da ötən ilə nisbətən 299,7 ton və ya 5,9 faiz çox olmuşdur.
Yaşıl çay yarpağı üzrə 109,5 hektar əkin sahəsinin 50,0 hektarından 39,8 ton məhsul götürülmüşdür ki, bu da ötən ilə nisbətən 16,3 ton və ya 69,4 faiz çox olmuşdur.
Üzüm bitkisi üzrə isə 16,0 hektar əkin sahəsindən 1065,6 ton məhsul götürülmüşdür ki, bu da ötən ilə nisbətən müqayisədə eyni olmuşdur.
Rayonda 2025-ci ilin məhsulu üçün payızlıq bitkilərin kütləvi səpini ilə əlaqədar cari il yanvar ayının 1-i vəziyyətinə 10431,0 hektar sahədə dən üçün payızlıq bitkilər səpilmişdir ki, onun da 7464,0 hektarı buğda, 2967,0 hektarı isə arpa əkinlərinin payına düşmüşdür.
2024-cü ildə heyvandarlıq bölməsində diri çəkidə 6378,3 ton ət, 50544,7 ton süd, 59107,0 min ədəd yumurta və 148,9 ton yun istehsal edilmişdir. 2023-cü ilə nisbətən ət istehsalı 0,9 ton, süd istehsalı 18,9 ton, yumurta 2,0 min ədəd və yun istehsalı isə 0,1 ton artmışdır.
2024-cü il vəziyyətinə 73933 baş iribuynuzlu mal-qara (ondan 37198 baş inək və camışlar), 96220 baş isə qoyun və keçilər mövcud olmuşdur. Keçən ilə müqayisədə iribuynuzlu mal-qaranın sayı 142 baş və ya 0,2 faiz, inək və camışların sayı 262 baş və ya 0,7 faiz azalmış, qoyun və keçilərin sayı isə 190 baş və ya 0,2 faiz artmışdır. Rayonda fəaliyyət göstərən süni mayalandırma məntəqələrində 2024-cü il üçün süni mayalandırılmış 2158 baş inək, camış və düyələrdən 1827 baş bala alınmışdır. Heyvanların süni mayalanmasından alınan balaların sayı əvvəlki ilə nisbətən 269 baş və ya 12,3 faiz az olmuşdur.
