Masallı rayonunda kənd təsərrüfatı üzrə məhsul buraxılışın həcmi 4,2 faiz artmışdır-Statistika
1-02-2024, 11:14. Разместил: admin44
Masallı Rayon Statistika İdarəsindən verilən məlumatda bildirilir ki, 2023-cü ildə kənd təsərrüfatı üzrə məhsul buraxılışının ümumi dəyəri 2022-ci ilə nisbətən 4,2 faiz artaraq 191580,2 min manat olmuşdur ki, onun da 91095,6 min manatı və ya 47,5 faizi bitkiçilik məhsullarının, 100484,6 min manatı və ya 52,5 faizi isə heyvandarlıq məhsullarının payına düşür.
Qrafik 1
Kənd təsərrüfatı üzrə ümumi məhsul buraxılışının stukturu, faiz
Cədvəl 8
Dənlilər və dənli paxlalı bitkilərin 2023-cü ildə 11392,5 hektar əkin sahəsindən 11361,5 hektarı yığılmışdır ki, ondan 27816,3 ton məhsul götürülmüşdür. Dənlilər və dənli paxlalı bitkilər üzrə təkrar əkin sahəsindən isə 611,2 ton məhsul götürülmüşdür. Yığılmış məhsulun ümumi həcmi ötən ildən 182,7 ton və ya 0,7 faiz azdır.
2023-cü ildə 7720,0 hektar buğda sahəsindən 18759,6 ton (ötən ildən 1265,4 ton və ya 7,2 faiz çox), 2800,0 hektar arpa sahəsindən isə 6216,0 ton (ötən ildən 376,4 ton və ya 5,7 faiz az) məhsul götürülmüşdür. Buğda üzrə orta məhsuldarlıq 24,3 sentner, arpa üzrə isə 22,2 sentner olmuşdur.
Təmizlənməmiş çəltik bitkisinin 2023-cü ildə 147,5 hektar əkin sahəsindən 116,5 hektarı yığılmışdır ki, ondan 454,9 ton məhsul götürülmüşdür. Çəltik bitkisi üzrə təkrar əkin sahəsindən isə 41,3 ton məhsul götürülmüşdür. Yığılmış məhsulun ümumi həcmi ötən ildən 327,0 ton və ya 41,8 faiz azdır.
Günəbaxan bitkisi üzrə 2023-cü ildə 45,0 hektar əkin sahəsindən 102,6 ton məhsul götürülmüşdür ki, bu da ötən ildən 1,1 ton və ya 1,1 faiz çoxdur.
Fermentasiya edilməmiş tütün üzrə 2023-cü ildə 15,0 hektar əkin sahəsindən 29,3 ton məhsul götürülmüşdür ki, bu da ötən ildən 10,3 ton və ya 26,0 faiz azdır.
Ədviyyat, ətirli və dərman bitkiləri (zəfəran) üzrə 2023-cü ildə 36,0 hektar əkin sahəsindən 0,6 ton məhsul götürülmüşdür ki, bu da ötən ildən 0,1 ton və ya 20,0 faiz çoxdur.
Tərəvəz bitkisinin 2023-cü ildə 2014,5 hektar əkin sahəsindən 56380,0 ton məhsul götürülmüşdür ki, bu da ötən ildən 231,7 ton və ya 0,4 faiz azdır.
Kartof bitkisinin 2023-cü ildə 903,0 hektar əkin sahəsindən 15892,8 ton məhsul götürülmüşdür ki, bu da ötən ildən 197,6 ton və ya 1,3 faiz çoxdur.
Bostan bitkisinin 2023-cü ildə 311,5 hektar əkin sahəsindən 4552,0 ton məhsul götürülmüşdür ki, bu da ötən ildən 14,0 ton və ya 0,3 faiz çoxdur.
Bağlar və giləmeyvələrin 2023-cü ildə 858,0 hektar sahəsindən 800,7 hektarı yığılmış və ondan 5048,8 ton məhsul götürülmüşdür ki, bu da ötən ildən 242,6 ton və ya 5,0 faiz çoxdur.
Üzüm (talvar üzümü daxil olmaqla) bitkisinin 2023-cü ildə 16,0 hektar əkin sahəsindən 1065,6 ton məhsul götürülmüşdür ki, bu da ötən ildən 1,6 ton və ya 1,8 faiz çoxdur.
Yaşıl çay yarpağı üzrə 2023-cü ildə 133,8 hektar əkin sahəsindən 50,0 hektarı yığılmışdır ki, ondan 23,5 ton məhsul götürülmüşdür. Yığılmış məhsul ötən ildən 10,6 ton və ya 82,2 faiz çoxdur.
Rayon üzrə təmiz herik şumu 2023-cü il üçün 17370,0 hektar qaldırılmışdır ki, bu da ötən ildən 4,0 hektar çoxdur.
2023-cü ilin məhsulu üçün rayonda cəmi əkin sahələri 17612,5 hektar (ondan qarğıdalı bitkisi üzrə 160,0 hektar, çəltik bitkisi üzrə isə 11,6 hektar təkrar əkin aparılmışdır) olmuşdur ki, bu da ötən ildən 70,5 hektar və ya 0,4 faiz çoxdur.
"Yeni həyat" qəzeti,
www.yeniheyet.az
Вернуться назад