“Heydər Əliyev İli” çərçivəsində Masallıda tədbir keçirilib
- 8-06-2023, 12:20
- Maraqlı
- 0
- 257
“Heydər Əliyev İli” çərçivəsində Masallıda növbəti tədbir keçirilib
2023-cü il — «Heydər Əliyev ili» çərçivəsində tədbirlər planına uygun olaraq Ombudsmanın Cənub bölgəsi üzrə nümayəndəsi və rayon ağsaqqallar şurasının birgə təşkilatçılığı ilə tədbir keçirilmişdir.
Tədbir rayon mərkəzi kitabxanası dəyirmi masa arxasında aparılmışdır.
Tədbiri giriş sözü ilə Masallı Rayon Ağsaqqallar şurasının sədri Ələşrəf Niftiyev açmışdır.
Sonra Ombudsmanın Cənub Regional Mərkəzinin rəhbəri Ziya İsmayılov insan haqları barədə geniş məruzə ilə çıxış etmişdir.
Müzakirələrdə Vətən müharibəsi qazisi Cavid Nuri, Masallı Rayon Ziyalılar birliyinin sədri Qardaş Fətullayev, din xadimlərindən fəlsəfə elmləri namizədi Əliqulu Qardaşov, «Vətən uğrunda şəhid ailələri və Milli Qəhrəmanları» İctimai Birliyi Masallı rayon nümayəndiliyinin sədri Yavər Yusubov, Xıl kəndinin sakini Əlövsət Sadıqov, «Azad Azərbaycan» qəzetinin redaktoru, həmyerlimiz Agalar İdrisoglu, pedaqoq Firəngiz Niftiyeva və başqaları çıxış edərək insan haqları sahəsində təbliğat — maarifləndirmə işini daha da gücləndirməsinə önəm vermişlər.
Tədbirdə Masallı Rayon İcra Hakimiyyətinin İctimai – siyasi və humanitar məsələlər şöbəsinin baş məsləhətçisi Əlimərdan Abdullayev iştirak etmişdir.
Hüquq gecəsini Ə.Niftiyev yekunlaşdırmış və Mirəyyub Əliyevi ad günü münasibətilə agsaqqallar şurası adından təbrik etmiş, məktub və hədiyyəni ona təqdim etmişdir.
İbrahim Şükürov,
Masallı Rayon Ağsaqqallar Şurasının mətbuat katibi, Azərbaycan Jurnalistlər Birliyinin üzvü.
“Yeni həyat” qəzeti
www.yeniheyet.az
“Yeni həyat” qəzeti
www.yeniheyet.az
