Prezidentimizin çıxışı sanki dünyaya bir mesaj idi : "Qarabağ Azərbaycandır !”

Xalqını, dövlətini sonsuz məhəbbətlə sevən rəhbərin olması bir ölkə üçün ən böyük xoşbəxtlikdir. Zəmanəmizin dühası H.Əliyevdən “Ona özüm qədər inanıram və gələcəyinə böyük ümid bəsləyirəm” qiymətini alan prezident İlham Əliyevin rəhbərliyi altında Azərbaycan özünün milli dövlət quruculuğu və idarəçiliyinin növbəti şərəfli mərhələsini yaşayır.

"Əsl siyasət konkret, real iş görmədən ibarətdir"-deyərək ictimai fəaliyyətə başlayan rəhbər adını dünya diplomatiyasına və hərb tarixinə həkk etdi. İşğal altında olan torpaqlarımız dövlətimizin qarşısında duran əsas problem idi. Bu problemin həlli üçün təkcə vətənpərvər xalq, qüvvəli ordu kifayət etmirdi. Eyni zamanda güclü diplomatiya, uzaqgörən siyasət tələb olunurdu. Uğur qazanmağımızın, 44 günlük müharibə ilə bütün dünyaya səs salmağımızın başlıca səbəbi məhz güclü ordumuz və unikal keyfiyyətlərin daşıyıcısı olan rəhbərimizin olmasıdır. Problemə sistemli və ardıcıl yanaşma tərzi, səlis və məntiqli ifadə üslubu, auditoriya ilə işləmək və onu ələ almaq qabiliyyətinin yüksək olmasına dövlət başçısının bütün çıxışlarında, müsahibələrində şahidi oluruq. Buna örnək olaraq Azərbaycan respublikasının Prezidentinin iyulun 22-də Şuşaya "Euronews" televiziyasına verdiyi müsahibəni göstərmək olar. Müsahibə avqustun 1-də "Euronews" da yayınlanıb.

Müxbirin 2020-ci ildəki sülh razılaşmasından sonra gərginliyin hələ də davam etməsini, daimi düşmənçiliyin nə ilə əlaqələndirirsiniz sualına prezident "Biz sülhə hazır idik və bir az gözlədik ki, beynəlxalq iştirakçılar bizə müəyyən təkliflər versinlər. Anladıq ki, bu, bir növ boşluqdur. Heç kəs nə etməyi bilmirdi. 2020-ci il noyabrın 10-da Bəyanatı imzaladığımız zaman vəziyyət, əslində, dayanıqlı sülhü təmin etmirdi. O, sülh razılaşması deyildi, Bəyanat idi. Əslində, Ermənistanın kapitulyasiya aktı idi. Buna görə biz Ermənistanla münaqişənin yekun həll variantını tapmaq məqsədilə müəyyən təşəbbüslərlə çıxış etməyə başladıq və ictimaiyyət qarşısında bunu açıqladıq. Elan etdik ki, sülh sazişi imzalanmalıdır. Sonra yenə boşluq yarandı. Sonra isə biz sülh sazişinin prinsiplərini müəyyən etdik. Onlar ərazi bütövlüyünün, suverenliyin və beynəlxalq sərhədlərin qarşılıqlı tanınması, sərhədlərin delimitasiyası, gücdən istifadə etməmə və ya güclə təhdid etməmə kimi beynəlxalq hüququn tam məlum prinsipləridir. Bu təklifi biz masa üzərinə qoyduq.

 Biz 30 illik İşğaldan əziyyət çəkmiş və ədaləti güc hesabına bərpa etmiş ölkə olaraq yeni sülh prosesinin müəllifi olduq. Deməzdim ki, hər şey çox rəvan gedir. Biz hələ də nikbinik, çünki hazırda biz hər iki ölkənin xarici işlər nazirləri səviyyəsində çox fəal danisiqlar aparırıq  - deyə tutarlı cavablandırdı. Bundan əlavə Laçın dəhlizi, müharibədəki missiyamız, müharibə zamanı baş verənlər və s. bunun kimi suallar tam bir lider, ali baş komandan, diplomat, natiq kimi çıxış edərək bütün təfərrüatlarıyla əsaslı cavablarıyla erməni işğalçılarının iç üzünü dünyaya çatdırdı. Bu müsahibə böhtanlardan, yaratmaq istədikləri saxta görüntülərdən uzaq olduğunu, yalnız bizim onların uğrunda mübarizə apardığımızı və bu savaşda haqlı olduğumuzu yenidən dünyaya "Euronews" vasitəsilə çatdırdı.

Müsahibədən sonra Prezident İlham Əliyev "Euronews"un müxbirinə işğal dövründə Şuşada ermənilər tərəfindən gülləbaran edilmiş Azərbaycanın
tanınmış şəxsiyyətləri Natəvan, Bülbül və Üzeyir Hacıbəylinin heykəlləri barədə məlumat verdi.
Bu məlumatlar qədim tarixə və mədəniyyətə sahib xalqın dəyərlərinə bağlılığının göstəricisi idi.Xalqın səsinin təmsilçisi olan Prezidentimizin çıxışı sanki dünyaya bir mesaj idi "Qarabağ Azərbaycandır!"




 
Quliyeva Elnarə,    
Masallı şəhər R.Cəfərov adına 6 nömrəli tam orta məktəbin  Dil-Ədəbiyyat müəllimi 



"Yeni həyat" qəzeti,
www.yeniheyet.azшаблоны для dle 11.2