Allah rəhmət eləsin!

ZAKİR ASLAN OĞLU ƏBİLOV

Lürən kənd sakini, gözəl insan, dəyərli ziyalı, fəal ictimaiyyətçi, Yeni Azərbaycan Partiyasının üzvü Zakir Aslan oğlu Əbilov 25 sentyabr 2023-cü il tarixdə, 70 yaşında vəfat etmişdir.

Zakir Aslan oğlu Əbilov 25 oktyabr 1953-cü ildə Masallı rayonu Lürən kəndində kolxozçu ailəsində anadan olmuşdur.

1960-cı ildə Lürən kənd 8 illik məktəbin birinci sinfinə daxil olmuş, 1970-ci ildə Musakücə kənd orta məktəbin bitirmişdir. 1972-1974-cü illərdə sovet ordusu sıralarında hərbi xidmət etmişdir.

1975-ci ildə S.Ağamalıoğlu adına Azərbaycan Kənd Təsərrüfatı İnstitutunun (indiki Gəncə ADAU) baytarlıq fakültəsinə daxil olmuş, 1980-ci ildə həmin institutu bitirmişdir.

1980-1982-ci illərdə Neftçala rayonunun  M.B.Qasımov adına sovxozunda baş baytar həkim, 1982-1990-cı illlərdə Masallı rayonunun Çapayev adına Toxumçuluq sovxozunda baş baytar həkimi, 1990-1997-ci illərdə Lürən sovxozunda baş baytar həkimi, hüquqşünas, mülki — müdafiə qərərgahının rəisi vəzifələrində çalışmışdır. 1 oktyabr 2010-cu ildən 25 yanvar 2023-cü ilədək Masallı Rayon İcra Hakimiyyəti başçısının Lürən kənd inzibati ərazi dairəsi üzrə nümayəndəsi vəzifəsində çalışmışdır.

Zakir Aslan oğlu Əbilov gözəl ailə başçısı, etibarlı dost, yaxşı yoldaş idi. 3 övladı var.

O, işlədiyi bütün vəzifələrdə işin məsuliyyətini dərindən dərk edərək şərəflə çalışmışdır.

 Zakir Əbilovun işıqlı xatirəsi onu tanıyanların qəlbində əbədi yaşayacaqdır.


"Yeni həyat" qəzeti,
www.yeniheyet.azшаблоны для dle 11.2