Prezident İlham Əliyevin cari ilin 22 iyul tarixində “China Global Television Network” televiziya kanalında yayımlanmış müsahibəsi ilə əlaqədar
26-07-2023, 12:00. Разместил: admin44
İyulun 22-də “ChinaGlobal Television Network” televiziya kanalında yayımlanan Azərbaycan Respublikasının Prezidenti İlham Əliyevin Çinin “China Media Group” media korporasiyasına müsahibəsində ölkəmizdə gedən bir çox proseslərə, xarici və daxili siyasət, Azərbaycan və Çin arasında dostluq və əməkdaşlıq əlaqələrinin inkişafı məsələlərinə toxunuldu. Çinli jurnalistin suallarını ətraflı cavablandıran dövlətimizin başçısı həm iki ölkə arasında gələcək əməkdaşlıq, həm də müasir Azərbaycanın qurucusu və Çin-Azərbaycan dostluğunun təməlini qoyan Ulu Öndər Heydər Əliyevin fəaliyyəti
ndən danışdı.
Prezident İlham Əliyev qeyd etdi ki, Ulu Öndər Heydər Əliyev Azərbaycan-Çin münasibətlərinin inkişafında çox vacib rol oynayıb. Onun Çinə səfərləri və Çinin rəhbərləri ilə görüşləri əməkdaşlığımızın çərçivəsini yaratdı. Bu gün mən olduqca şadam ki, ölkələrimiz arasında əlaqələr çox uğurla inkişaf edir və bu münasibətlər qarşılıqlı hörmət və dostluq üzərində qurulub.Çin Heydər Əliyev üçün tanımadığı ölkə deyildi. O, ölkənizin dinamikası və inkişafından yaxşı xəbərdar idi. Müstəqil Azərbaycanın Prezidenti seçiləndən sonra isə onun əsas xarici siyasət prioritetlərindən biri Çinlə ikitərəfli münasibətlər qurmaq idi. Beləliklə, bizim ikitərəfli münasibətlərimizin təməli tarixi səfər nəticəsində qoyuldu və həmin vaxtdan onların dinamik inkişafı üçün mühüm potensial vardır.
Prezident İlham Əliyev müsahibəsində bildirdi ki, Ulu Öndər Heydər Əliyev Azərbaycanın dövlətçiliyini quran, ölkəni inkişaf yoluna yönləndirən, vətəndaş müharibəsinin qarşısını alan şəxs idi. O, bu gün də rəhbər tutduğumuz daxili və xarici siyasət prioritetlərini müəyyən edib. Ölkəmizin başlıca məqsədləri dəyişməz olaraq qalıb. Bura dövlətçiliyimizin möhkəmləndirilməsi, qabaqlayıcı tədbirlər görməklə milli maraqlarımıza əsaslanan fəal xarici siyasətin yürüdülməsi və Azərbaycanın iqtisadi, siyasi inkişafı aiddir. Müstəqilliyimizin ilk günlərindən əsas məqsədlərdən biri ölkəmizin ərazi bütövlüyünün bərpası idi. Buna da iki ildən çoxdur nail olunub.
Şıxəliyeva Aidə,
Elşən Heybətov adına Dəlləkoba kənd ümumi orta məktəb
“Yeni həyat” qəzeti,
www.yeniheyet.az
Вернуться назад