Azərbaycan-Tacikistan münasibətləri- İki dövlət arasında münasibətlər bugün də uğurla davam edir

             
Artıq bir neçə ildir ki, Azərbaycanın Mərkəzi Asiya ölkələri, o cümlədən türk dövlətləri ilə münasibətlərində böyük canlanma müşahidə olunur.
       
 Tacikistanla Azərbaycan arasında diplomatik münasibətlər 29 may 1992-ci ildə qurulub. 2007-ci ilin avqust ayında Azərbaycan Respublikasının Tacikistan Respublikasında, 2008-ci ildə isə Tacikistanın Azərbaycanda səfirliyi fəaliyyətə başlayıb. 8 may 1998-ci ildə ümummilli lider Heydər Əliyevin 75 illik yubileyi çərçivəsində Tacikistan baş naziri müavininin başçılıq etdiyi nümayəndə heyəti Bakıda səfərdə olub. 1996-1999-cu illərdə "BMT ilə ATƏT arasında əməkdaşlıq haqqında" qətnamə layihəsində Azərbaycanın Dağlıq Qarabağ regionunun Azərbaycan Respublikasına mənsubluğunu təsdiqləyən, mühüm əhəmiyyət kəsb edən düzəliş Tacikistan tərəfindən dəstəklənib.
           
İki dövlət arasında münasibətlər bugün də uğurla davam edir. Sentyabrın 14-də Düşənbədə Mərkəzi Asiya Dövlət Başçılarının 5-ci Məşvərət görüşü keçirilib.
         
Azərbaycan Respublikasının Prezidenti İlham Əliyev görüşdə fəxri qonaq qismində iştirak edib.Tədbirdə çıxış edən İlham Əliyev bir sıra maraqlı fikirlər səsləndirib.
         
Prezident bildirib ki, otuz ildən artıq bir zamanda biz müstəqil dövlətlər kimi həm ikitərəfli, həm çoxtərəfli formatda fəal şəkildə qarşılıqlı fəaliyyət aparırıq, bir-birimizin müstəqilliyini, suverenliyini və ərazi bütövlüyünü dəstəkləyirik, iqtisadi əlaqələri fəal şəkildə inkişaf etdiririk.Son iki il ərzində mən İlham Əliyev Mərkəzi Asiya dövlətlərinə doqquz səfər etmişəm. Bu müddət ərzində bütün qardaş dövlətlərin başçıları Azərbaycana dəfələrlə səfərlər ediblər. İlin sonuna qədər qarşılıqlı səfərlərin fəal dinamikası davam etdiriləcək.
         
Prezident  İlham Əliyev çıxışında Azərbaycan və Mərkəzi Asiya ölkələri ilə olan nəqliyyat əlaqələrindən danışaraq bildirib ki, nəqliyyat və logistika sahəsi münasibətlərimizdə mühüm yer tutur. Azərbaycan Mərkəzi Asiya ölkələri üçün Türkiyə və Avropa bazarları istiqamətində etibarlı tranzit ölkəsidir. Əks istiqamətdə tranzitin əhəmiyyəti də az deyil. Mərkəzi Asiyadakı qardaşlarımız bilirlər ki, Azərbaycanın bütün nəqliyyat–logistika infrastrukturu onlar üçün açıqdır.
     
 Dövlətimizin başçısının Mərkəzi Asiya və Azərbaycanı vahid tarixi-mədəni coğrafi region kimi qiymətləndirməsi təkcə bu gün deyil, gələcək üçün də tarixi əhəmiyyət daşıyır: “Prezident İlham Əliyevin çıxışında Azərbaycan və Mərkəzi Asiya ölkələrinin xalqlarını çoxəsrlik qardaşlıq münasibətləri bağlamasını vurğulaması köklərin dərin və sıx olduğunu, tarixin ağır sınaqlarından çıxdığını göstərir. Ortaq mədəni köklər dövlətlər arasında münasibətlərin sarsılmaz təməllərindən biridir.
Görüşün Tacikistanın dövlət müstəqilliyi günündə keçirilməsi Azərbaycanın və Mərkəzi Asiya dövlətlərinin seçdikləri yolda iradələrini göstərir. Otuz ildən artıq müstəqil olan bu dövlətlər həm ikitərəfli, həm çoxtərəfli formatda əməkdaşlıq edir, bir-birinin müstəqilliyini, suverenliyini və ərazi bütövlüyünü dəstəkləyirlər. Münasibətlər strateji xarakter daşıyır. Regional əməkdaşlığın bu formatı ölkələrin və xalqların daha da yaxınlaşmasına zəmin yaradacaq. İldən-ilə artan ticarət-iqtisadi əməkdaşlıq münasibətlərin maddi təməllərini möhkəmləndirir”.
       
“Azərbaycan Mərkəzi Asiya ölkələri üçün Türkiyə və Avropa bazarlarına çıxmaqda tranzit ölkə və etibarlı tərəfdaşdır. Prezident İlham Əliyevin “Mərkəzi Asiyadakı qardaşlarımız bilirlər ki, Azərbaycanın bütün nəqliyyat–logistika infrastrukturu onlar üçün açıqdır”, – deməsi onlara qucaq açmaq, inkişaf etmələri, müstəqilliklərini daha da möhkəmləndirmələri üçün imkanlar yaratmaq deməkdir.
Bakı Ticarət Limanı, Xəzərdə 50-dən artıq gəmidən ibarət ən iri ticarət donanmasına malik olan Azərbaycan geniş imkanlarının olduğunu göstərir. Bu, Azərbaycanın Türk dünyasının birləşdirici ölkəsi olduğu da deməkdir.
       
Prezident İlham Əliyevin səfəri və çıxışında irəli sürdüyü fikirlər tarixdə şəxsiyyətin oynadığı rola dair ən gözəl nümunələrdən biridir”


Babayeva Elanora      
Masallı rayonu,



 "Yeni həyat" qəzeti,
www.yeniheyet.azшаблоны для dle 11.2