Главная > Maraqlı > Böyük inkişafa doğru
Böyük inkişafa doğru3-10-2023, 14:58. Разместил: admin44 |
![]() Oktyabrın 2-də Bakı Konqres Mərkəzində 74-cü Beynəlxalq Astronavtika Konqresinin açılış mərasimi keçirilib. Azərbaycan Respublikasının Prezidenti İlham Əliyev, birinci xanım Mehriban Əliyeva və oğulları Heydər Əliyev tədbirdə iştirak ediblər. Azərbaycanın şox mühüm qlobal tədbirə ev sahibliyi etmək hər birimiz üçün fəxrdir. İlk dəfə Ulu Öndər Heydər Əliyevin rəhbərliyi dövründə 1973-cü ildə 24-cü Beynəlxalq Astronavtika Konqresi Bakıda keçirilmişdir. 50 il sonra Azərbaycanın yenidən ev sahibliyi etməsi “ Heydər Əliyev ili” çərçivəsində çöx böyük məna daşıyır.Ulu öndər Heydər Əliyev siyasətini Möhtərəm Prezidentimiz uğurla davam etdirir. Azərbaycanda müasir texnologiyaların geniş tətbiqi, rəqəmsal inkişaf və kosmik sənaye quruculuğu sahəsində mühüm nailiyyətlər əldə edilmişdir. Ötən illərdə hərtərəfli dövlət dəstəyi ilə ölkədə kosmik sənaye üzrə müasir infrastruktur yaradılmışdır. Dünya miqyasında ən mötəbər tədbirlərdən biri olan bu Beynəlxalq Astronavtika Konqresin ikinci dəfə Azərbaycanda keçirilməsi ölkəmizdə kosmik sənayenin inkişafına, beynəlxalq kosmik icma və onu təmsil edən Beynəlxalq Astronavtika Federasiyası ilə əməkdaşlığın genişləndirilməsinə, habelə qlobal kosmos sənayesinə daha yaxından inteqrasiya istiqamətində əvəzolunmaz imkanlar yaradacağına şübhə etmirik. Beynəlxalq Astronavtika Konqresində 100-dən artıq ölkəni təmsil edən 5000-dən çox iştirakçı iştirak etmişdir. Konqres ölkəmizin kosmik sənaye, müasir texnologiya və innovasiya sektorlarının inkişafına və onun müasirləşdirilməsinə yeni bir təkan verəcəkdir. Cənab İlham Əliyev Konqresin açılış mərasimində çıxış edərək söyləmişdir: “Müstəqillik dövründə Azərbaycan beynəlxalq ictimaiyyətin fəal üzvünə çevrilib. Bizim siyasətimiz hər zaman aydın, şəffaf və birmənalı olub və dostlar qazanılmasına və əməkdaşlığın gücləndirilməsinə yönəlib. Beynəlxalq ictimaiyyətin fəal üzvü kimi Azərbaycan çoxsaylı siyasi, iqtisadi və regional inkişaf layihələrində iştirak edir. Dördüncü ildir ki, biz BMT-dən sonra ikinci ən böyük beynəlxalq təsisata – Qoşulmama Hərəkatına sədrlik edirik və belə bir təşkilata sədrlik etmək şərəfinə biz 120 dövlətin yekdil qərarı ilə layiq görülmüşük. Bu, həqiqətən də Azərbaycanın geniş beynəlxalq dəstəyə malik olmasının göstəricisidir.”Əlbəttə, qitələrarası körpü olmağımız cəmiyyətimizin inkişafında mühüm rol oynamışdır. Azərbaycan əsrlər boyu çoxmədəniyyətli və çoxkonfessiyalı cəmiyyətə malik olub. Otuz ildən artıq müstəqillik dövründə biz həyat tərzimizin bu faktorunu gücləndirmişik. Biz bunu sabitliyin, proqnozlaşdırmanın və Azərbaycanda yaşayan bütün etnik qrupların və bütün dini konfessiyaların dinc birgə yaşayışı üçün əhəmiyyətli faktor hesab edirik. Biz həqiqətən də bir ailə kimi yaşayırıq və bir sıra beynəlxalq təşkilatlar bunu qeyd edib və bu, onların qərarlarında öz əksini tapıb. BMT Azərbaycanın multikulturalizmin təşviqi sahəsindəki səylərini tam dəstəkləyir. Yeri gəlmişkən, ölkəmizin təşəbbüsü ilə mütəmadi olaraq keçirilən Ümumdünya Mədəniyyətlərarası Dialoq Forumu müxtəlif sivilizasiyaların nümayəndələri arasında təmasların daha nəticəyönümlü olması üçün unikal platformadır.” Azərbaycan dünyada böyük iqtisadi gücə ,qüdrətli orduya malik ölkə kimi tanınır.Biz ölkəmizin suverenliyini tam bərpa edən ölkəyik.Biz güclüyük bizim İlham Əliyev kimi böyük və iti zəkaya malik Prezidentirmiz var.Yaşasın Azərbaycan! Yaşasın Ali Baş Komandanımız! Əntiqə Tağıyeva, Masallı Tarix-Diyarşünaslıq Muzeyinin direktoru " Yeni həyat" qəzeti, www.yeniheyet.az Вернуться назад |