25 Noyabr - Kəlbəcər Şəhəri Günüdür
27-11-2023, 09:06. Разместил: admin44
Bu günü Azərbaycan xalqı uzun illərdi ki, səbirsizliklə gözləyirdi. Torpaqlarımız düşmən tapdağından azad edildi. Azərbaycan Respublikasının Silahlı Qüvvələrin Ali Baş Komandanı cənab İlham Əliyev 25 noyabr tarixində Kəlbəcərin işğaldan azad edilməsi münasibətilə xalqa müraciətində bir daha bildirdi ki, müharibə kimin kim olduğunu göstərdi, Ermənistan məğlub edilmiş, Azərbaycan zəfər çalmış ölkədir. Bu, Azərbaycanın döyüş meydanında olduğu kimi diplomatik danışıqlarda da qalib olmasının göstəricisidir. Azərbaycan, Rusiya prezidentləri və Ermənistanın baş nazirinin noyabrın 10 noyabr tarixində imzaladığı üçtərəfli bəyanat Kəlbəcərin geri qaytarılmasını təmin etdi. Kəlbəcər rayonumuz Müzəffər Ali Baş Komandanın İkinci Qarabağ müharibəsində yürütdüyü hərbi-siyasi yolun davamı olaraq bir güllə atılmadan azad edildi və düşmən rayondan çıxmağa məcbur olundu.
Bu, Azərbaycanın döyüş meydanında olduğu kimi diplomatik danışıqlarda da qalib olmasının göstəricisidir. Kəlbəcər rayonun qaytarılması Azərbaycanın möhtəşəm tarixi Qələbəsinin bir təsdiqidir. Azərbaycan Respublikasının Prezidenti cənab İlham Əliyev xalqa müraciətində birdaha bildirdi ki, Kəlbəcərin ermənilərdən boşaldılması işğalçının eybəcər siması və barbarlığının, erməni vandalizminin növbəti nümayişi oldu, Kəlbəcərdən qaçan qeyri-qanuni sakinlər rüsvayçı hərəkətləri və barbar davranışları ilə diqqəti cəlb etdilər. Həmçinin Kəlbəcəri tərk edən ermənilər evlərə, digər tikililərə od vurur, elektrik yarımstansiyalarını, restoranları, bir sözlə, yararlı nə varsa hamısını talayıb dağıdır, habelə daşınması mümkün olan hər şeyi daşıyıb aparırdılar. Beləliklə, Müzəffər Ali Baş Komandanın yorulmaz, qətiyyətli, uzaqgörən siyasəti və rəşadətli Ordumuza qarşı qoymaq mümkün olmayan gücü və əzmi ilə 30 illik işğala son qoyuldu. Aylar, illər keçəcək, ancaq Azərbaycan Ordusunun 44 günlük Vətən müharibəsində gösərdiyi cəsarət və vətənpərvərliyi heçvaxt unudulmayacaq.
Vətən müharibəsində əldə edilmiş tarixi Qələbədən sonra, azad olunmuş bütün digər ərazilərimizdə olduğu kimi, Kəlbəcər rayonunda da möhtəşəm bərpa-quruculuq işlərinə start verildi. İşğaldan sonra ilk dəfə 2021-ci ilin 16 avqust tarixində Kəlbəcərə səfər edən cənab Ali Baş Komandan bu şəhərdə də Azərbaycan bayrağını şəxsən özü qaldırdı. Həmin tarixi gündən sonra keçən müddət ərzində cənab Prezident İlham Əliyev Kəlbəcərə çoxsaylı səfərlər etmişdir ki, bu səfərlərin də hər biri bir sıra önəmli hadisələrlə əlamətdar olmuşdur. Son üç ildə gedən proseslər bir daha göstərir ki, Azərbaycan dövləti işğaldan azad edilmiş ərazilərin ən qısa zamanda tamamilə yenidən qurularaq dirçəldilməsinə və erməni işğalı səbəbilə bu torpaqlardan didərgin düşmüş insanların öz dədə-baba yurdlarına geri dönmələrinə çox böyük önəm verir.
Kəlbəcər bizimdir! Qarabağ Azərbaycandır!
Məhəmməd Hüseynov,
Masallı Gənclər Evi-nin dərnək rəhbəri
"Yeni həyat" qəzeti,
www.yeniheyet.az
Вернуться назад