Serbiya-Azərbaycan əlaqələrinin sürətli inkişafı
13-12-2023, 15:59. Разместил: admin44
Dekabrın 10 da Serbiyanın Niş şəhərində Serbiya-Bolqarıstan Qaz interkonnuktorunun açılış mərasimi keçirilib.Azərbaycan Respublikasının Prezidenti İlham Əliyev mərasimdə iştirak edib. Prezident İlham Əliyev əvvəlcə Layihə haqqında məlumat verib, sonra isə çıxış edib.Çıxışa başlayan cənab Prezident mərasimdə iştirak edən dövlət başçılarını və qonaqları salamlayaraq dəvət və qonaqpərvərliyə görə təşəkkürünü bildirib. Sonra cənab Prezident Serbiyaya edilən rəsmi səfərlərindən, eyni zamanda Serbiya-Azərbaycan əlaqələrinin sürətli inkişafından danışıb və bildirib ki, iki dövlət arasında strateji tərəfdaşlıq var. Bunun üçün bəyannamə imzalanmışdır. İlham Əliyev onu da qeyd etmişdir ki, dövlət olaraq biz Serbiyanın uğurlarına sevinirik.
Prezident İlham Əliyev bildirib ki, bugünkü tədbir və açılışdan sonra interkonnuktorunun fəaliyyəti Serbiyanın sənaye inkişafına böyük töhfə verəcəkdir, çünki Prezident Vuçiçin ölkəsinin sənaye potensialının inkişafı ilə bağlı çox geniş miqyaslı planları var. Əlbəttə ki, planların həyata keçirilməsi üçün enerji resusları lazımdır və şəxaləndirilmiş təchizat şəbəkəsi də qurulmalıdır.
Daha sonra Prezident İlham Əliyev Bolqarıstanla bağlı öz fikirlərini söyləyib və bildirib ki, Azərbaycan Bolqarıstanla da strateji tərəfdaşlıq sazişi bağlayır. Ölkələrin bir-birinə səfərindən söz açan Prezident münasibətlərin dostluq və strateji tərəfdaşlıq üzərində qurulduğunu vurğulayıb.
Çıxışa davam edən Prezident İlham Əliyev dostluq və strateji tərəfdaşlıq mərasimi adlandıraraq qeyd edib ki, bu mərasim Serbiya və Bolqarıstanın enerji təhlükəsizliyinə böyük töhfə verə biləcək layihədir. Həmçinin onu da qeyd edib ki, Layihə Azərbaycan üçün də əhəmiyyətlidir. Çünki Azərbaycanın qaz ixracı coğrafiyası daha da genişlənir.
Cənab Prezident Avropa İttifaqı ilə Azərbaycan arasında enerji sahəsində strateji tərəfdaşlıq üzrə Anlaşma Memorandumundan və onun icrasından da danışıb. Ölkə rəhbəri bildirib ki, bu Memorandum icra edilir. Bundan əlavə, həyata keçiriləcək başqa layihələrdən də danışıb.
Cənab Prezident qeyd edib ki, Azərbaycan etibarlı tərəfdaşdır, dostluqda sadiqdir, dostluğu yüksək qiymətləndirir. Bunun nəticəsi olaraq Azərbaycanın namizədliyini dəstəkləyərək COP29 konfransının Azərbaycanda-Bakıda keçirilməsinə izin verdilər.
Prezident İlham Əliyev çıxışın sonunda bir daha dəvət üçün öz təşəkkürünü bildirib.
Ş.Xəlilova,
S.Xəlilov adına Qızılağac kənd 1 nömrəli tam orta məktəbin müəllimi
"Yeni həyat" qəzeti,
www.yeniheyet.az
Вернуться назад