YENİ ŞEİRLƏR
30-12-2023, 16:46. Разместил: admin44
24 saatda44 günə işğaldan
Təmizlədik torpağı.
Əzəli sərhədlərə
Qaytardıq Qarabağı.
Düşmənə diz çökdürdük,
Dayandırdıq davanı.
Miflərini sökdürdük,
Korlamasın havanı.
Yatmırdı ipə-sapa,
Dinc durmurdu yerində.
Pozurdu atəşkəsi,
Gizlənirdi dərində.
Gəlmədi sülhə tərəf
Havadarlar sözüylə.
İstədi hücum etsin
İşğalçılıq gözüylə.
Azərbaycan səbirlə
Keçdi anti-terrora.
Vətəndaşı qorudu,
Düşməni saldı zora.
Ucaldı Xankəndində
Üç rəngli bayrağımız.
Məmməd Ağa, yaşasın
Qarabağ torpağımız!
Məmməd AĞA, yol inşaatçısı.
5 oktyabr 2023-cü il.
Вернуться назад