Şirvan kanalının əhəmiyyəti göz önündə olacaqdır

         
Qeyd edək ki, 1958-ci ildə istifadəyə verilən və ölkənin ikinci ən böyük kanalı olan torpaq məcralı Yuxarı Şirvan suvarma kanalı başlanğıcını Mingəçevir su anbarından götürür. Yuxarı Şirvan kanalı Şirvan düzündə yerləşən Yevlax, Ağdaş, Göyçay, Zərdab, Ucar, Kürdəmir, İsmayıllı və Ağsu rayonlarının 112 min hektardan çox əkin sahəsini suvarma və yaşayış məntəqələrini məişət suyu ilə təmin edir.
         
Yuxarı Şirvan suvarma kanalının infrastrukturunun bərpası, habelə mövcud təsərrüfatların su təminatı məsələlərinin vaxtında və səmərəli şəkildə həllinin dəstəklənməsi, su ehtiyatlarından daha səmərəli istifadə olunması, magistral kanalın suburaxma qabiliyyətinin artırılması məqsədilə aprelin 8-də Prezident İlham Əliyev Şirvan suvarma kanalının yenidən qurulması haqqında Sərəncam imzalayıb. Sərəncama əsasən, Yuxarı Şirvan suvarma kanalının adı dəyişdirilərək Şirvan suvarma kanalı adlandırılıb.
           
Dövlətimizin başçısı tədbirdə çıxış edib.O, çıxışında bildirib ki, bir neçə gün bundan əvvəl Şirvan suvarma kanalının yenidən qurulması haqqında sərəncam imzaladığını, bu gün isə kanalın təməlqoyma mərasiminin olduğunu söyləyib. Bunun  çox əlamətdar hadisə olduğunu qeyd edib. Son illər ərzində Azərbaycanda həyata keçirilən infrastruktur layihələri arasında bu layihənin xüsusi əhəmiyyəti vardır. Çünki Yuxarı Şirvan suvarma kanalı uzun illərdir fəaliyyət göstərir. Kanal torpaq məcralıdır və illər keçdikcə kanalın böyük hissəsi sıradan çıxmışdır. Təbii olaraq bu da itkilərə səbəb olub, su itkiləri kifayət qədər çoxdur. İtkilərə və su sızmalarına görə ətraf torpaq sahələri şoranlaşmış, əkin üçün yararsız vəziyyətə düşmüşdür.

Dövlətimizin başçısı çıxışında qeyd edib ki,Yuxarı Şirvan kanalı 1958-ci ildə inşa edildiyini və bu gün kanalın, - artıq  Şirvan kanalı adlandırıldığını bildirib.Faktiki olaraq kanalın yenidən inşa ediləcəyi və beləliklə, minlərlə insanın bu layihədən faydalanacağını qeyd edib.120 kilometrlik kanalın uzunluğu təxminən iki dəfə artırılacaq və 200 kilometrdən çox olacaqdır.

Azərbaycan Prezidenti çıxışında bildirib ki ,əgər əvvəlki dövrlərdə bu kanal 8 rayonu əhatə edirdisə, indi 10 rayonu əhatə edəcək və kanalın son nöqtəsinin  Hacıqabul gölü olacağını deyib. Hacıqabul gölünün də 10 ildən çoxdur ki, tamamilə quruduğunu Kanal istifadəyə veriləndən sonra gölün də dolacağını və bunun da təbiətə çox müsbət təsiri olacağını ifadə edib.

Təməlqoyma mərasimində cənab İlham Əliyev çıxışının sonunda demişdir:

“Şirvan kanalının əhəmiyyəti də göz önündə olacaqdır. Bu, bizim ən böyük – suyun həcminə və əkin sahələrinin əhatəsinə görə ən böyük layihəmiz olacaqdır. Əminəm ki, yaxın gələcəkdə 10 rayon üzrə yerləşən məntəqələrdə bu yeni kanalın əhəmiyyətini hər kəs görəcək.

Əminəm, Azərbaycan xalqı da tam əmindir ki, dediyimiz bütün sözlər, verdiyimiz bütün vədlər hər zaman yerinə yetirilir və bu gün dediyim, bu layihələrin icrası da tam təmin ediləcək. Biz üç ildən sonra – uzaqbaşı 2027-ci ilin sonuna qədər Şirvan kanalının da açılışını qeyd edəcəyik “.



Ziyafəddin Cavadov,
S, Xəlilov adına Qızılağac kənd 1 nömrəli tam orta məktəbin müəllimi




"Yeni həyat" qəzeti,
www.yeniheyet.az

шаблоны для dle 11.2