Azərbaycan mətbuatı dünyada nümunəvi mətbuat kimi tanınır

Bu gün Azərbaycan milli mətbuatının yaranmasından 149 il ötür.
1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabinin “Əkinçi” qəzetini nəşrə başlaması ilə Azərbaycan milli mətbuatının əsası qoyulub.
Həmin vaxtdan müxtəlif tənəzzül və çiçəklənmə dövrləri yaşayan Azərbaycan mətbuatı daim cəmiyyətin proseslərə baxışını əks etdirib.

Müasir dövrdə milli mətbuatımızın inkişafı ulu öndər Heydər Əliyevin adı ilə bağlıdır. Ulu Öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələ açdı.

1998-ci ildə ümummilli lider Heydər Əliyev tərəfindən Azərbaycan mətbuatının üzərindən dövlət senzurasının ləğv edilməsi ilə ölkəmizdə söz və mətbuat azadlığının əsası qoyuldu və bu, mətbuatın inkişafına ciddi təkan verdi.

Ulu Öndərin mətbuata və mətbuat nümayəndələrinə göstərdiyi diqqət və qayğı Ümummilli Liderin layiqli varisi cənab Prezident İlham Əliyev tərəfindən uğurla davam etdirilir.

Milli Mətbuat Günü münasibətilə mətbuatımızın inkişafında əməyi olan hər kəsi təbrik edir, şərəfli və məsuliyyətli fəaliyyətlərində yeni uğurlar arzulayırıq.

Azərbaycanda milli mətbuatın yaranması tarixi görkəmli ziyalı Həsən bəy Zərdabinin adı ilə bağlıdır.Məhz onun misilsiz xidmətləri sayəsində yaranan milli Azərbaycan mətbuatı artıq özünün ən yüksək səviyyəsinə çatmışdır.Milli mətbuatın yaranması milli mənlik şüurunun formalaşması demək idi.İnsanlar öz düşüncələrini,arzu və istəklərini məhz mətbuat vasitəsilə cəmiyyətə çatdıra bilirdilər.
Əsası H.Zərdabi tərəfindən qoyulan milli Azərbaycan mətbuatı Ulu Öndər Heydər Əliyev  hakimiyyətə gəldiyi dövrdə yeni inkişaf mərhələsinə qədəm qoydu.Belə ki, Azərbaycanda mətbuat senzurası ləğv olundu,söz azadlığı, mətbuat azadlığı, sərbəst toplaşma azadlığı formalaşmağa başladı.

Ulu Öndər Heydər Əliyev tərəfindən başlanan bu missiya onun layiqli davamçısı Azərbaycan Prezidenti cənab İlham Əliyev tərəfindən uğurla davam etdirilir.Hazırda Azərbaycan mətbuatı dünyada nümunəvi mətbuat kimi tanınır.
Sonda öz fikrimi cənab İlham Əliyevin mətbuatla bağlı söylədiyi nitqi ilə bitirmək istəyirəm.

“Əlbəttə ki,mətbuatın fəaliyyəti hər bir insanı maraqlandırır.İnsanlar bütün məlumatı mətbuatdan alırlar.Ona görə,hər bir ölkədə,o cümlədən Azərbaycanda mətbuat qərəzsiz olmalıdır,çevik, operativ fəaliyyət göstərməlidir,insanları məlumatlarla tam şəkildə təmin etməlidir.Hesab edirəm ki,biz bunu Azərbaycanda görürük.Çünki bu gün Azərbaycan mətbuatı artıq yüksək səviyyəyə qalxıbdır.Mən həm operativlik,həm milli maraqların müdafiə edilməsi sahəsində mətbuatın fəaliyyətini yüksək qiymətləndirirəm “




Ziyafəddin Cavadov,
S.Xəlilov adına Qızılağac kənd 1 nömrəli tam orta məktəbin müəllimi
шаблоны для dle 11.2