Tövsiyə

Sürücü etikası

Həyatda hər şeyin norması var. Çox yemək ziyandır, çox danışmaq da. Stəkan su ilə dolanda daşır. Sürücü də maşının sürətini artıranda aşır. Bu çox xətalı məqamdır. Hər axşam respublikada baş verən nataraz işlər sırasında avtoqəzalar ilkin yer tutur. Neçə-neçə insan həyatına son qoyulur. Neçə-neçə arzu ürəklərdə donur. Uşaqlar atasız-anasız qalır. Niyə? Kobud, texnikanı idarə edə bilməyən sükan arxasında oturanda evdə onu gözləyənləri unudur. Yol boyu “Ata, yolunu gözləyirik” lövhələrdə  yazılmış ürək ağrıdan çağırışlar da  onun yatmış vicdanını oyada bilmir.  Biri sərxoş, digəri narkotik qəbulçusu, bir başqası sürət aludəçisi. Qəza törədən maşınların əksəriyyəti ya dərəyə yuvarlanır, ya da kanallara. Maşın idarəetmədən çıxır. Ağaclara, elektrik dirəklərinə çırpılır, ya da yol kənarında dayanan bir insanın həyatına son qoyur.

Son vaxtlar kəndiçi yollardan maşınlar ildırım sürəti ilə keçir - heç nəyə məhəl qoymadan.

Bu günlərdə “mersedes” markalı taksi ilə evə qayıdırdım. “07” markalı jiquli bizi ötüb keçəndə sürücü “gör məni kim ötür” deyib qazı basdı. Maşının sürəti 110-u keçəndə “saxla” dedim. Maşından düşəndə sürücü haqqını istədi. Dedim, oğlum, məni mənzil başına çatdırmadın. Sonrası da mənə sağ ol deməlisən ki, səni qəzadan qurtardım. Bala, sən yola çörək üçün çıxmısan, ya hər səni ötəni keçmək üçün, yoxsa dörd nəfərin taleyi ilə  siçan-pişik oyununa?

Haqqını verib başqa  maşına oturdum.  Həmin maşının Bədəlanda başqa maşınla toqquşub divara dırmandığını gördüm. Sürücü qırmızı sifətini göstərib əks tərəfin üstünə cumanda məni qarşısında görüb dayandı və başını yerə dikdi.

Sürücü olanda nə olar. Bizim keçmiş bir iş yoldaşımız vardı. O, tez-tez  deyərdi “Sürücü yerin bilməz, həkim danışığın”.  Sürücü də etik normaları gözləməlidir. Yağış oldu, ya da toz-torpaq – sürətlə şütüyüb yol kənarındakılara ziyan vurursan.

Əziz sürücülər, sizdən çox yazmaq, çox danışmaq olar. Sükan arxasında oturanda özünüzü sakit, səbirli, diqqətli aparın. Özünüzün də başqalarının da həyatını düşünün. Sürət sizi uzaqlara aparar. Diqqətli olun.



HƏSƏNAĞA.шаблоны для dle 11.2