Masallıda “Yüksək hazırlıqlı ərazi dəstəsi ilə xəbərdarlıq və toplanış üzrə mülki müdafiə” mövzusunda təlim
11-09-2024, 16:00. Разместил: admin44
11 sentyabr 2024-cü il tarixdə Masallı şəhırində Masallı Rayon İcra Hakimiyyəti başçısının 04-05 sentyabr 2024-cü il tarixli müvafiq Sərəncamlarına və Fövqəladə Hallar Nazirliyi Cənub Regional Mərkəzinin 2024-cü il üçün tədbirlər planına uyğun olaraq “Yüksək hazırlıqlı ərazi dəstəsi ilə xəbərdarlıq və toplanış üzrə mülki müdafiə” mövzusunda təlim keçirilmişdir.
Təlimdə Masallı Rayon İcra Hakimiyyəti Başçısı aparatının əməkdaşları, Fövqəladə Hallar Nazirliyi Cənub Regional Mərkəzinin məsul şəxsləri, aidiyyəti idarə, müəssisə və təşkilatların 63 nəfər şəxsi heyəti iştirak etmiş, o cümlədən 21 ədəd texnika cəlb olunmuşdur.
Təlim zamanı rayon ərazisində hər hansı fövqəladə hal baş verən zaman yüksək hazırlıqlı ərazi dəstəsinin şəxsi heyəti, müvafiq texnika və avadanlıqların hazırlıq səviyyəsi yoxlanılmışdır.
Вернуться назад