Şəhid Zaur Hüseynovun şəhadətinin 4-cü ildönümü anıldı
27-09-2024, 18:16. Разместил: admin44
27 sentyabr 2024-cü il tarixində Masallı rayonunun Hiskədərə kəndində şəhid Leytenant Hüseynov Zaur Vaqif oğlunun 4-cü ildönümü anılmışdır.
Şəhidin Zaur Hüseynovun şəhadətə yüksəlməyinin 4-cü ildönümü ilə əlaqədar Masallı Rayon İcra Hakimiyyəti Başçısının tapşırığına əsasən Masallı Rayon İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, şöbənin Böyük məsləhətçisi Nurlan Muradov, Rayon İcra Hakimiyyətinin əməkdaşları Mirsənan Sadıqov, Səyavuş Feyruzoğlu və şəhid ailələri şəhidin məzarını ziyarət etmiş, ruhuna dualar oxumuşlar.
Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə, Birinci vitse-Prezident Mehriban xanım Əliyevaya və rayon rəhbərliyinə minnətdarlıqlarını ifadə ediblər.
Qeyd edək ki, Zaur Hüseynov 2020-ci il sentyabr ayının 27-də Füzuli döyüşləri zamanı şəhid olmuş və Masallı rayonun Hiskədərə kəndində dəfn olunmuşdur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamlarına əsasən Zaur Vaqif oğlu Hüseynov ölümündən sonra "3-cü dərəcəli Vətənə xidmətə görə" ordeni, "Vətən uğrunda", "Döyüşdə fərqlənməyə görə" və "Füzulinin azad olunmasına görə" medallari ilə təltif edilmişdir.
Вернуться назад